ബോളിവുഡ് ചിത്രങ്ങൾക്ക് എതിരെ നടക്കുന്ന ബഹിഷ്കരണാഹ്വാനങ്ങളിൽ പ്രതികരിച്ച് നയിക ആലിയ ഭട്ട്. ബ്രഫ്മാസ്ത്ര എന്ന ചിത്രത്തിന്റെ പ്രചരണവുമായി ബന്ധപ്പെട്ടാണ് താരം പ്രതികരണം നടത്തിയത്. തന്നെ ഇഷ്ടം അല്ലാത്തവർ തന്റെ സിനിമ കാണേണ്ട എന്നായിരുന്നു ആലിയയുടെ പ്രതികരണം.
താരത്തിന്റെ പ്രതികരണത്തിനെതിരെ നിരവധി പേരാണ് വിമർശനവുമായി രംഗത്തെത്തിയിരിക്കുന്നത്. ഇതിൽ ബ്രഫ്മാസ്ത്ര ഉൾപ്പെടെ ആലിയയുടെ ഭാവിയിലെ ചിത്രങ്ങൾ ബഹിഷ്കരിക്കാനും ചിലർ ആഹ്വാനം ചെയ്തിട്ടുണ്ട്. എന്നാൽ ആലിയയെ അനൂകൂലിക്കുന്നവരും നിരവധിയാണ്. അവർ പറഞ്ഞത് അവരെ ഇഷ്ടം അല്ലാത്തവരെകുറിച്ചാണ് എന്നാണ് അനുകൂലിക്കുന്നവരുടെ വാദം.
മുമ്പും ആലിയ ഭട്ടിനെതിരെ ചിലർ സൈബർ ആക്രമണം നടത്തിയിരുന്നു. കോഫി വിത്ത് കരൺ ഷോയുമായി ബന്ധപ്പെട്ട വിവാദത്തിലായിരുന്നു ഈ ആക്രമണം. ആലിയയ്ക്ക് പുറമെ കരൺ ജോഹറും ആക്രമണത്തിന്റെ ഇരയായിരുന്നു. ബോളിവുഡ് താരം സുശാന്ത് സിംഗ് രജ്പുതിന്റെ മരണവുമായിട്ടും ബോളിവുഡ് താരങ്ങൾക്കെതിരെ നിരവധി പേർ രംഗത്തെത്തിയിരുന്നു. ബോളിവുഡിലെ സ്വജനപക്ഷാപതത്തിന്റെ ഇരയാണ് സുശാന്ത് എന്നായിരുന്നു ആരോപണം.
ഇതിന്റെ അടിസ്ഥാനത്തിൽ സിനിമാകുടുംബത്തിൽ നിന്നുള്ളവരുടെ ചിത്രങ്ങൾ ബഹിഷ്കരിക്കാനും പലരും ആഹ്വാനം ചെയ്തിരുന്നു. അതേസമയം ഈ മാസം റിലീസ് ചെയ്ത അക്ഷയ് കുമാറിന്റെ രക്ഷാബന്ധനും ആമീർ ഖാന്റെ ലാൽ സിംഗ് ഛദ്ദയ്ക്കും എതിരെയും ബഹിഷ്കരണാഹ്വാനമായി ചിലർ രംഗത്ത് വന്നിരുന്നു.
Comments