റോം: ആഡംബരക്കപ്പൽ കടലിൽ മുങ്ങിത്താഴുന്നതിന്റെ വീഡിയോ സമൂഹമാദ്ധ്യമങ്ങളിൽ വൈറലാകുന്നു. 130 അടി നീളമുള്ള ആഡംബരക്കപ്പൽ മെഡിറ്ററേനിയൻ കടലിലാണ് മുങ്ങിപ്പോയത്. കഴിഞ്ഞ ശനിയാഴ്ച രാത്രിയായിരുന്നു സംഭവം. കപ്പൽ കടലിൽ മുങ്ങിപ്പോകുന്നതിന്റെ വീഡിയോ ഇറ്റാലിയൻ കോസ്റ്റ് ഗാർഡ് ആണ് പുറത്ത് വിട്ടത്. നാല് യാത്രക്കാരും അഞ്ച് ജീവനക്കാരുമാണ് കപ്പലിൽ ഉണ്ടായിരുന്നത്. ഇവരെ എല്ലാവരേയും കോസ്റ്റ് ഗാർഡ് രക്ഷപെടുത്തിയെന്നും അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്തു.
‘സാഗ’ എന്ന ആഡംബര കപ്പലാണ് മുങ്ങിയത്. തീരത്ത് നിന്ന് 14 കിലോമീറ്ററോളം അകലെയാണ് അപകടം ഉണ്ടായത്. ഗല്ലിപോളിയിൽ നിന്ന് മിലാസോയിലേക്കുള്ള യാത്രയ്ക്കിടെയാണ് കപ്പൽ മുങ്ങിയത്. അപകടത്തിന്റെ കാരണം വ്യക്തമല്ല. സംഭവത്തെക്കുറിച്ച് അന്വേഷണം ആരംഭിച്ചതായി ഇറ്റാലിയൻ കോസ്റ്റ്ഗാർഡ് വ്യക്തമാക്കി.
Nei giorni scorsi, la #GuardiaCostiera di #Crotone ha coordinato operazioni di salvataggio di passeggeri ed equipaggio di uno yacht di 40m, affondato a 9 miglia al largo di #CatanzaroMarina.
Avviata inchiesta amministrativa per individuarne le cause. #SAR #AlServizioDegliAltri pic.twitter.com/kezuiivqsM— Guardia Costiera (@guardiacostiera) August 22, 2022
പ്രതികൂല കാലാവസ്ഥയാണ് അപകടത്തിന് കാരണമായതെന്നാണ് പ്രാഥമിക നിഗമനം. കപ്പൽ വളരെ വേഗത്തിലാണ് മുങ്ങിയതെന്നും തിരിച്ചെടുക്കാൻ സാധിച്ചിട്ടില്ലെന്നും അധികൃതർ വ്യക്തമാക്കി. സെക്കന്റുകൾക്കുള്ളിൽ തന്നെ കപ്പൽ പൂർണമായും വെള്ളത്തിൽ മുങ്ങിപ്പോകുന്നതിന്റെ വീഡിയോ സമൂഹമാദ്ധ്യമങ്ങളിലും വൈറലാണ്.
Comments