താനെ: ഗണേശോത്സവത്തിന് മുന്നോടിയായി അയോദ്ധ്യയിലെ രാമക്ഷേത്രത്തിന്റെ പകർപ്പ് നിർമ്മിക്കാനൊരുങ്ങി താനെയിലെ ഭീവണ്ടി ധമൻകർ പ്രദേശവാസികൾ. 120 അടി ഉയരത്തിലുള്ള പകർപ്പാകും നിർമ്മിക്കുക.
നേരത്തെ ഗണേശ ഭഗവാന്റെ ചിഞ്ച്പൊക്ലി ചിന്താമണി വിഗ്രഹത്തിന്റെ മാതൃക മുംബൈയിൽ അനാച്ഛാദനം ചെയ്തിരുന്നു.ഗണേശോത്സവത്തിന് മുന്നോടിയായി രാജ്യത്തിന്റെ വിവിധ ഭാഗങ്ങളിലായി വിഗ്രഹനിർമ്മാണം നടക്കുന്നു. അസമിലെ ദിബ്രുഗഡിൽ കളിമൺ വിഗ്രഹങ്ങളാണ് നിർമ്മിക്കുന്നത്.
ഓഗസ്റ്റ് 31-ന് ആരംഭിച്ച് പത്ത് ദിവസം നീണ്ട് നിൽക്കുന്ന ഉത്സവമാണ് ഗണേശ ചതുർത്ഥി. കൊറോണ മഹാമാരി നിയന്ത്രണങ്ങൾക്ക് ശേഷം നടത്തുന്ന ആദ്യത്തെ ഗണേശോത്സവമാണ് ഈ വർഷത്തേത്.
അടുത്ത വർഷം മുതൽ പ്ലാസ്റ്റർ ഓഫ് പാരീസിൽ നിർമ്മിച്ച ഗണേശ വിഗ്രഹങ്ങൾക്ക് വിലക്കേർപ്പെടുത്തുമെന്ന് സംഘാടകർ വ്യക്തമാക്കിയിട്ടുണ്ട്. മലിനീകരണം വർദ്ധിക്കുന്ന സാഹചര്യത്തിലാണ് തീരുമാനം. രണ്ട് വർഷം കൂടി ഉത്സവം ആഘോഷിക്കുന്നതിനാലാണ് ഈ വർഷം ഇളവ് നൽകുന്നതെന്ന് ബിഎംസി വ്യക്തമാക്കിയിരുന്നു.
Comments