പട്ന; വിവാഹവാഗ്ദാനം നൽകി വഞ്ചിച്ചവരോട് പ്രതികാരം ചെയ്യുന്ന രസകരവും, ഞെട്ടിപ്പിക്കുന്നതുമായ സംഭവങ്ങൾ ദിവസേന അരങ്ങേറാറുണ്ട്. വിവാഹത്തിൽ നിന്ന് പിൻമാറിയ വരെ ഓടിച്ചിട്ട് പിടിക്കുന്ന വധുവിന്റെയും ബന്ധുക്കളുടെയും വീഡിയോ ഇപ്പോൾ ആ കൂട്ടത്തിൽ വൈറലാവുകയാണ്.
ബിഹാറിലെ നവാടയിലെ ഭഗത് സിങ് ചൗക്കിലാണ് സംഭവം. വീഡിയോയിൽ പ്രത്യക്ഷപ്പെടുന്ന യുവതിയുടെ വിവാഹം യുവാവുമായി നിശ്ചയിച്ചിരുന്നു. സ്ത്രീധനമായി ഒരു ബൈക്കും 50,000 രൂപയും നൽകുകയും ചെയ്തു.
എന്നാൽ, വിവാഹ തീയതി അടുത്തതോടെ വിവാഹം നീട്ടവയ്ക്കണമെന്ന് യുവാവ് ആവശ്യപ്പെട്ടു ഒഴിഞ്ഞു മാറാൻ തുടങ്ങി. കഴിഞ്ഞ ദിവസം മാതാപിതാക്കൾക്കൊപ്പം ചന്തയിലെത്തിയ യുവതി വിവാഹം നിശ്ചയിക്കപ്പെട്ടിരുന്ന യുവാവിനെ കണ്ടതോടെയാണ് സംഭവങ്ങളുടെ തുടക്കം.
യുവാവിനോട് തന്നെ വിവാഹം കഴിക്കണമെന്ന് യുവതി ആവശ്യപ്പെട്ടു. എന്നെ വിവാഹം ചെയ്യൂ എന്ന് യുവതി അപേക്ഷിക്കുന്ന വീഡിയോ സോഷ്യൽ മീഡിയയിൽ വൈറലാവുകയാണ്. യുവതിയുടെ കൈയിൽ നിന്ന് പിടിവിട്ട് രക്ഷപ്പെടാനുള്ള ശ്രമങ്ങൾ യുവാവ് നടത്തുന്നതും വീഡിയോയിൽ കാണാം.എന്തായാലും യുവാവിനെ ഓടിച്ചിട്ട് പിടിച്ച് യുവതി വിവാഹിതയായി എന്നാണ് വിവരം.
