മുംബൈ: തെറ്റുകൾ മനുഷ്യ സഹജമാണെന്നും, തന്റെ വാക്കുകളോ പ്രവൃത്തികളോ ആരെയെങ്കിലും വേദനിപ്പിച്ചിട്ടുണ്ടെങ്കിൽ ക്ഷമിക്കണമെന്നും ബോളിവുഡ് നടൻ ആമിർ ഖാൻ. ട്വിറ്ററിലൂടെയായിരുന്നു താരത്തിന്റെ മാപ്പപേക്ഷ. ജൈനമത വിശ്വാസികളുടെ ആഘോഷമായ സംവത്സരിയുടെ പശ്ചാത്തലത്തിൽ സ്വന്തം പ്രൊഡക്ഷൻ കമ്പനിയായ ആമിർ ഖാൻ പ്രൊഡക്ഷൻസിന്റെ ഔദ്യോഗിക ട്വിറ്റർ ഹാൻഡിലിലാണ് ആമിറിന്റെ മാപ്പപേക്ഷ പ്രത്യക്ഷപ്പെട്ടത്.
— Aamir Khan Productions (@AKPPL_Official) September 1, 2022
‘നമ്മളെല്ലാം മനുഷ്യരാണ്. വാക്കുകൊണ്ടോ പ്രവൃത്തി കൊണ്ടോ അറിഞ്ഞോ അറിയാതെയോ ക്ഷോഭത്താലോ അല്ലാതെയോ തെറ്റുകൾ സംഭവിച്ചിട്ടുണ്ടാകാം. സംസാരത്തിനിടയിലെ തമാശകളിലൂടെയോ അല്ലാതെയോ നമ്മൾ മറ്റുള്ളവരെ വേദനിപ്പിക്കാറുണ്ട്. ഇത്തരത്തിൽ എപ്പോഴെങ്കിലും ആരെടുയെങ്കിലും വികാരങ്ങളെ വ്രണപ്പെടുത്തിയിട്ടുണ്ടെങ്കിൽ ആത്മാർത്ഥമായി ക്ഷമ ചോദിക്കുകയാണ്.’ 27 സെക്കൻഡ് ദൈർഘ്യമുള്ള വീഡിയോയിൽ പറയുന്നു.
ആമിർ ഖാൻ നായകനായ പുതിയ ചിത്രം ലാൽ സിംഗ് ഛദ്ദ തിയേറ്ററിൽ വൻ പരാജയമായി മാറിയിരുന്നു. ചിത്രത്തിനെതിരെ വ്യാപകമായി ബഹിഷ്കരണ ആഹ്വാനങ്ങളും നിലനിന്നിരുന്നു.
