ചെന്നൈ: തഞ്ചാവൂരിലെ ക്ഷേത്രത്തിൽ ദർശനം നടത്തി തെന്നിന്ത്യൻ താരം സായ് പല്ലവി. തഞ്ചായ് പെരിയ കോവിൽ എന്നറിയപ്പെടുന്ന ബൃഹദീശ്വര ക്ഷേത്രത്തിലാണ് കുടുംബവുമൊത്ത് സായ് പല്ലവി ദർശനം നടത്തിയത്. ക്ഷേത്ര ദർശനത്തിന്റെ വീഡിയോ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
കഴിഞ്ഞ ദിവസം വൈകീട്ടാണ് താരം കുടുംബവുമൊത്ത് ക്ഷേത്ര ദർശനത്തിന് എത്തിയത്. ചുവന്ന പട്ടുസാരിയിൽ ക്ഷേത്ര ദർശനം നടത്തുന്ന താരത്തിന്റെ ചിത്രം ആരാധകർ പകർത്തി ട്വിറ്ററിൽ പോസ്റ്റ് ചെയ്തിരുന്നു. ഇതാണ് വൈറൽ ആയത്. സായ് പല്ലവി കുടുംബത്തോടൊപ്പം ബൃഹദീശ്വര ക്ഷേത്രത്തിൽ, ശിവഭഗവാന്റെ അനുഗ്രഹം തേടി എന്ന കുറിപ്പോടെയായിരുന്നു ചിത്രങ്ങൾ പ്രചരിപ്പിച്ചത്.
ചോള ഭരണകാലത്ത് നിർമ്മിച്ച ക്ഷേത്രം ആണ് ബൃഹദീശ്വര ക്ഷേത്രം. സംസ്ഥാനത്തെ ഏറ്റവും വലിയ ക്ഷേത്രങ്ങളിൽ ഒന്നായ ബൃഹദീശ്വര യുനെസ്കോയുടെ പൈതൃകപട്ടികയിലും ഇടം നേടിയിട്ടുണ്ട്.
Comments