ഇൻസ്റ്റഗ്രാം വിഡീയോ ചിത്രീകരണത്തിനിടയിൽ ട്രെയിൻ ഇടിച്ച് കൗമാരക്കാരന് ഗുരുതര പരിക്ക്

ഹൈദരാബാദ്: ഫോളോവേഴ്‌സിനെ കൂട്ടാനായി ഇൻസ്റ്റഗ്രാം റീൽ എടുക്കുന്നതിനിടയിൽ ട്രെയിനിടിച്ച് കൗമരാക്കാരന് ഗുരുതര പരിക്ക്. തെലങ്കാനയിലെ ഹനുമകൊണ്ട ജില്ലയിലെ കാസിപേട്ടിൽ റെയിൽവേ ട്രാക്കിന് സമീപം വിഡീയോ ചിത്രീകരിക്കുകയായിരുന്ന പതിനേഴുകാരനാണ് പരിക്കേറ്റത്. തെലങ്കാനയിലെ വാഡേപ്പള്ളി സ്വദേശി സി അക്ഷയ് രാജിനാണ് ഗുരുതരമായി പരിരക്കേറ്റത്.

കൗമാരക്കാരൻ റെയിൽവേ ട്രാക്കിന് സമീപം നടക്കുന്നതിനിടയിലാണ് അപകടം ഉണ്ടായത്. ട്രെയിൻ ഇയാളെ ഇടിച്ചിടുകയായിരുന്നു. എന്നാൽ നിലത്ത് വീഴുന്നതിന് മുൻപ് അക്ഷയ് തെന്നിമാറി. വിഡീയോ ചിത്രീകരിച്ചിരുന്ന ഫോണിൽ സംഭവത്തിന്റെ ദൃശ്യങ്ങളും പതിഞ്ഞു. ഇയാളെ ഉടൻ തന്നെ ആശുപത്രിയിൽ പ്രവേശിപ്പിച്ചു.

റെയിൽവേ ട്രാക്കിലൂടെ നടക്കരുതെന്ന കർശന നിർദേശം പോലീസ് നൽകിയിരുന്നു.അപകടങ്ങൾ വർദ്ധിക്കുന്ന സാഹചര്യത്തിൽ ട്രാക്കിലൂടെയുള്ള നടത്തം ഒഴിവാക്കണമെന്ന് പോലീസ് വ്യക്തമാക്കി.
നേരത്തെയും സമാനമായ സംഭവങ്ങൾ റിപ്പോർട്ട് ചെയ്തിട്ടുണ്ട്.ഇയർഫോണുമായി റെയിൽവേ ട്രാക്കിലൂടെ നടന്നു പോവുകയായിരുന്ന യുവതി ട്രെയിൻ ഇടിച്ച് മരിച്ചിരുന്നു.