ആശുപത്രി വാർഡിൽ കാട്ടാന; പരിഭ്രാന്തരായി ആളുകൾ; വീഡിയോ വൈറൽ

ആശുപത്രി വാർഡിൽ കാട്ടാന കയറിയ വീഡിയോ സമൂഹമാദ്ധ്യമങ്ങളിൽ വൈറലാകുന്നു. പശ്ചിമ ബംഗാളിലെ ജൽപായ്ഗുരി ജില്ലയിലാണ് സംഭവം നടന്നിരിക്കുന്നത്. ആശുപത്രി വാർഡിന്റെ ഇടനാഴിയിലൂടെ കൂളായി വരുന്ന കാട്ടാനയുടെ വീഡിയോയാണ് ഇപ്പോൾ പ്രചരിക്കുന്നത്.

ആശുപത്രിയിലൂടെ കൂസലില്ലാതെ നടന്നുനീങ്ങുന്ന ആനയുടെ ദൃശ്യങ്ങൾ അവിടെയുള്ളവർ തന്നെയാണ് പകർത്തിയത്. കോറിഡോറിന്റെ വശങ്ങളിലുള്ള മുറികളിലേക്ക് കയറാനും ആന ശ്രമിക്കുന്നത് ദൃശ്യത്തിൽ കാണാം.

#WATCH : When Gajraj entered inside Binnaguri #IndianArmy hospital in #Bengal and then got confused as which human doctor chamber to knock, who to visit. 🙂 pic.twitter.com/MjYKEDh5pB

— Tamal Saha (@Tamal0401) September 5, 2022

ആന ആശുപത്രിയിലെ സാധനങ്ങൾ ഒന്നും തന്നെ കേടുവരുത്തിയിട്ടില്ലെന്നാണ് ലഭിക്കുന്ന വിവരം. ആളുകൾക്കും പരിക്കില്ല. ഈ വീഡിയോ ഇതിനോടകം തന്നെ സോഷ്യൽ മീഡിയയിൽ ശ്രദ്ധ നേടിക്കഴിഞ്ഞു. വീഡിയോയ്‌ക്ക് പ്രതികരണങ്ങളുമായി നിരവധി പേർ എത്തുന്നുണ്ട്.