ന്യൂഡൽഹി: ഡൽഹി മുഖ്യമന്ത്രി അരവിന്ദ് കെജ്രിവാളിന്റെ രൂപസാദൃശ്യമുള്ളയാൾ ഗുലാബ് ജാമുനും മധുര പലഹാരങ്ങളും വിൽക്കുന്ന വീഡിയോ ഇൻ്റർനെറ്റിൽ തരംഗമാകുന്നു. ഒരു മിനിട്ട് ദൈർഘ്യമുള്ള ഇൻസ്റ്റഗ്രാം വീഡിയോയിലാണ് ഡൽഹി മുഖ്യമന്ത്രിയുടെ അപരൻ പലഹാര വിൽപ്പന നടത്തുന്നത്. കെജ്രിവാൾ ധരിക്കുന്ന മാതൃകയിലുള്ള തൊപ്പിയും കണ്ണടയും ധരിച്ചാണ് വിൽപ്പന.
‘അരവിന്ദ് കെജ്രിവാൾ പലഹാര വിൽപ്പന നടത്തുന്നു’ എന്ന തലക്കെട്ടോടെയാണ് വീഡിയോ പ്രചരിക്കുന്നത്. ഗ്വാളിയർ സ്വദേശിയാണ് കെജ്രിവാളിന്റെ അപരൻ എന്നാണ് വിവരം. നിരവധി പേരാണ് സാമൂഹിക മാദ്ധ്യമങ്ങളിൽ വീഡിയോ പങ്ക് വെക്കുകയും കമൻ്റുകൾ രേഖപ്പെടുത്തുകയും ചെയ്തിരിക്കുന്നത്.
Comments