ദുബായ്: ഏഷ്യാ കപ്പ് സൂപ്പർ ഫോറിലെ അപ്രധാന മത്സരത്തിൽ ശ്രീലങ്കയ്‌ക്കെതിരെ പാകിസ്താൻ 19.1 ഓവറിൽ 121 റൺസിന് പുറത്തായി. ടോസ് നേടി ബൗളിംഗ് തിരഞ്ഞെടുത്ത ശ്രീലങ്കയ്‌ക്ക് വേണ്ടി ബൗളർമാർ മികച്ച പ്രകടനം കാഴ്ചവെച്ചു.
30 റൺസെടുത്ത ക്യാപ്ടൻ ബാബർ അസവും 26 റൺസെടുത്ത മുഹമ്മദ് നവാസും ഒഴികെയുള്ള മറ്റ് പാക് ബാറ്റ്സ്മാന്മാർ എല്ലാം പരാജയമായി. ശ്രീലങ്കയ്‌ക്ക് വേണ്ടി 4 ഓവറിൽ 21 റൺസ് വഴങ്ങി വാനിന്ദു ഹസരംഗ 3 വിക്കറ്റെടുത്തു. മഹീഷ് തീക്ഷണ, പ്രമോദ് മധുശൻ, എന്നിവർക്ക് 2 വിക്കറ്റ് വീതം ലഭിച്ചപ്പോൾ ധനഞ്ജയ ഡിസിൽവക്കും ചാമിക കരുണരത്നെക്കും ഓരോ വിക്കറ്റും ലഭിച്ചു.
ടൂർണമെൻ്റിൽ നിന്നും ഇന്ത്യയും അഫ്ഗാനിസ്ഥാനും പുറത്തായതോടെ, ഇന്നത്തെ മത്സരഫലം അപ്രസക്തമാണ്. എന്നാൽ, ഇന്ന് നേടുന്ന വിജയത്തിന്റെ മാനസിക ആനുകൂല്യം ഫൈനലിൽ മുതലെടുക്കാൻ ഇരു ടീമുകളും ശ്രമിക്കും.
Comments