കുവൈത്ത്: മാരകമായ ലഹരി വസ്തുക്കൾ കടൽ മാർഗം കടത്താൻ ശ്രമിച്ച സ്ത്രീയെ പിടികൂടി. നിരവധി ബാഗുകളിലായി അതിമാരക ലഹരി വസ്തുക്കൾ ഒളിച്ചു കടത്താൻ ശ്രമിക്കുന്നതിനിടെ തീരദേശ സേനയുടെ ശ്രദ്ധയിൽ പെടുകയും സംശയം തോന്നിയ ഉദ്യോഗസ്ഥർ ബാഗ് സ്കാൻ ചെയ്ത് പരിശോധന നടത്തുകയായിരുന്നു.
സംഭവത്തെ തുടർന്ന് ശക്തമായ തിരച്ചിൽ ഉദ്യോഗസ്ഥർ നടത്തി. പിടിയിലായ സ്ത്രീ ഏതു രാജ്യക്കാരി ആണെന്ന വിവരം ഇത് വരെ പുറത്ത് വിട്ടിട്ടില്ല. കുവൈത്തിൽ സമുദ്രമാർഗം ലഹരിവസ്തുക്കൾ കടത്താൻ ശ്രമിക്കുന്നുണ്ടെങ്കിലും ഒരു സ്ത്രീ ഇത്തരം സംഭവുമായി ബന്ധപ്പെട്ട് പിടിയിലാകുന്നത് ആദ്യമായിട്ടാണെന്ന് തീരദേശ സേന ഉദ്യോഗസ്ഥർ പറഞ്ഞു.
ഹിജാബ് ധരിച്ച് ഇസ്ലാം മത വിശ്വാസിയാണെന്ന് തോന്നിപ്പിക്കത്തക്ക വിധമായിരുന്നു അവരുടെ വേഷം. സ്ത്രീയുടെ അസ്വാഭാവികമായ പെരുമാറ്റം കണ്ട് സംശയം തോന്നിയതിന്റെ വെളിച്ചത്തിലാണ് ഉദ്യോഗസ്ഥർ പരിശോധിച്ചത്. വസ്ത്രങ്ങളാണെന്ന് പറഞ്ഞു രക്ഷപെടാൻ ശ്രമിച്ചെങ്കിലും ഉദ്യോഗസ്ഥർ ബലമായി പരിശോധന നടത്തുകയിരുന്നു.
Comments