കൊട്ടാരങ്ങളെയും രാജാക്കന്മാരെയും ബന്ധപ്പെട്ട് നിരവധി കഥകൾ നാം കേൾക്കാറുണ്ട്. പലതും കേട്ട് പഴകിയ കഥകളാണ്. കോട്ടകൾക്ക് നടുവിലെ രഹസ്യ അറയും അതുമായി ബന്ധപ്പെട്ട കഥകളും ഇന്നും തലമുറകൾ കൈമാറി നമ്മളിലേക്ക് എത്തുന്നു. അത്തരത്തിലൊരു സംഭവമാണ് ഇപ്പോൾ പുറത്ത് വരുന്നത്. അന്തരിച്ച എലിസബത്ത് രാജ്ഞിയുമായി ബന്ധപ്പെട്ടതാണ് ഈ വാർത്ത.
രാജ്ഞി എഴുതിയ ഒരു കത്ത് സിഡ്നിയിലെ ഒരു നിലവറയ്ക്കുള്ളിൽ പൂട്ടിയിരിക്കുന്നു. ഇതിൽ ഒരു രഹസ്യം ഒളിഞ്ഞിരിക്കുന്നുണ്ട്. 63 വർഷത്തേക്ക് തുറക്കാൻ കഴിയില്ല എന്നതാണ് ഇതിൽ രസകരമായ ഒരു കാര്യം . 1986 നവംബറിലാണ് രാജ്ഞി ഈ കത്ത് എഴുതിയതെന്നും അന്ന് ജനങ്ങളെ അഭിസംബോധന ചെയ്തതാണെന്നുമാണ് പുറത്ത് വരുന്ന വിവരം .
2085 വരെ ഈ കത്ത് തുറക്കാൻ കഴിയില്ല. രാജ്ഞിയുടെ പേഴ്സണൽ സ്റ്റാഫ് പോലും കത്തിലെ വിവരം അറിയാതിരിക്കുന്നതിന് ഒരു ഗ്ലാസ് കുപ്പിക്കുള്ളിലാക്കി സുരക്ഷിതമായ സ്ഥലത്ത് കത്ത് വച്ചിരിക്കുകയാണ്. ശേഷം ഒരിക്കൽ സിഡ്നിയിൽ ജനങ്ങളെ അഭിസംബോധന ചെയ്ത് രാജ്ഞി ഇങ്ങനെ പറഞ്ഞു. 2085-ൽ നിങ്ങൾ തിരഞ്ഞെടുക്കുന്ന അനുയോജ്യമായ ഒരു ദിവസം ഈ കത്ത് തുറക്കണം.ശേഷം അതിൽ എഴുതിയിരിക്കുന്ന, സിഡ്നിയിലെ പൗരന്മാരോട് പറയാനുള്ള എന്റെ സന്ദേശം നിങ്ങൾ അവരെ അറിയിക്കണം
എന്തായാലും രാജ്ഞി പങ്കുവയ്ക്കാൻ ആഗ്രഹിക്കുന്ന രഹസ്യം എന്താണെന്ന് അറിയാനുള്ള ആകാംഷയിലാണ് പൗരന്മാർ. അതിന് 2085 വരെ കാത്തിരിക്കണമെന്ന് മാത്രം.
Comments