ഇംഗ്ലണ്ട് പര്യടനത്തിനെത്തിയ ഇന്ത്യ വനിതാ ക്രിക്കറ്റ് ടീം കടുത്ത മത്സരമാണ് നേരിടുന്നത്. അവിടെ മൂന്ന് ടി20 ഐ, ഏകദിന പരമ്പരകളിലാണ് ടീം ആതിഥേയരുമായി മാറ്റുരയ്ക്കുന്നത്. അതിനിടെ രണ്ട് ടി20 മത്സരങ്ങൾ പൂർത്തിയായപ്പോൾ ഇരു ടീമുകളും ഓരോ മത്സരം വീതം ജയിച്ചു. അതിനാൽ അടുത്ത മത്സരം ഇരുകൂട്ടർക്കും നിർണ്ണായകമാണ്.
കളിയുടെ സമർദ്ദത്തിനിടയിലും മാഞ്ചസ്റ്റർ യുണൈറ്റഡിന്റെ കളി കണാൻ സമയം കണ്ടെത്തിയിരിക്കുകയാണ് പ്രമുഖ താരം സ്മൃതി മന്ദാന. പ്രീമിയർ ലീഗ് ഇന്ത്യയുടെ ഔദ്യോഗിക ട്വിറ്റർ ഹാൻഡിൽ സ്മൃതി മന്ദാന ഓൾഡ് ട്രാഫോർഡ് ഫുട്ബോൾ സ്റ്റേഡിയം സന്ദർശിച്ചതിന്റെ ചിത്രങ്ങൾ പോസ്റ്റ് ചെയ്തു.
📍 The Theatre of Dreams
📸 @mandhana_smriti pic.twitter.com/ONWdf3A2I9
— Premier League India (@PLforIndia) September 15, 2022
സ്മൃതിയും തന്റെ ഇൻസ്റ്റാഗ്രാം ഹാൻഡിലിൽ ചിത്രം പങ്കിട്ടു. പോസ്റ്റിന്റെ അടിക്കുറിപ്പും ദൃശ്യങ്ങളും അനുസരിച്ച്, വീഡിയോ സെപ്റ്റംബർ 4 ഞായറാഴ്ച നടന്ന മാഞ്ചസ്റ്റർ യുണൈറ്റഡ് ആഴ്സണൽ മത്സരത്തിനിടെ എടുത്തതാണെന്ന് കരുതുന്നു. വീഡിയോവിൽ ആഴ്സണലിനെതിരെ മാർക്കസ് റാഷ്ഫോർഡ് ഗോൾ നേടിയതിന് ശേഷം മാഞ്ചസ്റ്റർ യുണൈറ്റഡ് ടീമിന് വേണ്ടി മന്ദാന ആരാധകർക്കിടയിൽ ഇരുന്ന് കൈയ്യടിക്കുന്നത് കാണാം. മന്ദാന ചിത്രത്തിന് അടിക്കുറിപ്പ് നൽകി, ‘ഓൾഡ് ട്രാഫോർഡിൽ ഒരു സ്വപ്ന മത്സരദിനം അനുഭവിച്ചു. സിആർ7ന്റെ കളി നേരിൽ കണ്ടു. ഇത് സ്വപ്നതുല്യം’.
രണ്ടാം ടി20യിൽ ഇംഗ്ലണ്ടിനെതിരായ ഇന്ത്യയുടെ വിജയത്തെ തുടർന്ന് മൂന്ന് മത്സരങ്ങളുടെ പരമ്പര നിലവിൽ 1-1 എന്ന നിലയിലാണ്. ആദ്യ മത്സരത്തിൽ ഇംഗ്ലണ്ട് ഇന്ത്യ്ക്കെതിരെ 9 വിക്കറ്റിന്റെ തകർപ്പൻ ജയം നേടി. ഹർമൻപ്രീത് കൗറിന്റെ നേതൃത്വത്തിലുള്ള ടീം തിരിച്ചടിച്ച് പരമ്പരയിലെ രണ്ടാം മത്സരത്തിൽ 8 വിക്കറ്റിന് വിജയിച്ചു. സ്മൃതി മന്ദാന 53 പന്തിൽ 79 റൺസ് നേടിയപ്പോൾ സ്നേഹ് റാണ മൂന്ന് വിക്കറ്റ് വീഴ്ത്തി ബൗളർമാരിൽ മികച്ചുനിന്നു. ബ്രിസ്റ്റോളിൽ നടക്കുന്ന അടുത്ത കളി വിജയിച്ച് പരമ്പര സ്വന്തമാക്കാനാണ് ഇന്ത്യയുടെ ശ്രമം.
