നൂറ് കണക്കിന് മുതലകൾ കടൽ തീരത്ത് എത്തിയ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്. നാട്ടുകാരെ മുഴുവൻ ഭീതിയിലാഴ്ത്തിക്കൊണ്ടാണ് മുതലകൾ തീരത്തെത്തിയത്. കെൻ റുട്കോവ്സി എന്നയാളാണ് ബ്രസീലിൽ നിന്നുള്ള ഈ വീഡിയോ ട്വിറ്ററിൽ പങ്കുവെച്ചത്.
”ബ്രസീലിൽ മുതലകളുടെ അധിനിവേശം. ആയിരക്കണക്കിന് മുതലകളാണ് ബീച്ചിലുള്ളത്. പ്രദേശവാസികൾ പരിഭ്രാന്തിയിലാണ്” എന്ന് അദ്ദേഹം ട്വിറ്ററിൽ കുറിച്ചു.
In Brazil, an invasion of crocodiles that have flooded one of the beaches with several hundred, even thousands, and the local population is panicking pic.twitter.com/3xnkqHdoyl
— Ken Rutkowski (@kenradio) September 15, 2022
തീരത്ത് വെയിൽ കാഞ്ഞ് കിടക്കുന്ന മുതലകളെ വീഡിയോയിൽ കാണാനാകും. നിമിഷ നേരം കൊണ്ട് തന്നെ വീഡിയോ സോഷ്യൽ മീഡിയയിൽ വൈറലായിരിക്കുകയാണ്. വീഡിയോയ്ക്ക് പ്രതികരണവുമായി നിരവധി പേർ രംഗത്തെത്തിയിട്ടുണ്ട്.
ഇത് അധിനിവേശം അല്ല വീണ്ടെടുക്കലാണ് എന്നാണ് ഒരാൾ പറഞ്ഞത്. ഒരിക്കൽ മനുഷ്യർ കൈയ്യടക്കിയ തങ്ങളുടെ സ്ഥലം വീണ്ടെടുക്കാൻ അവരെത്തിയതാണെന്ന് സോഷ്യൽ മീഡിയ ഉപയോക്താവ് പറഞ്ഞു. ഇത് മുതലകളല്ല കെയ്മനുകളാണെന്ന് ഒരാൾ പറഞ്ഞു. ഒരു സ്ഥലത്ത് നിന്ന് മറ്റൊരിടത്തേക്ക് കൂട്ടത്തോടെ സഞ്ചരിക്കുന്നവരാണ് ഇവ. വേലിയേറ്റ സമയത്ത് വിശ്രമിക്കാൻ വേണ്ടിയാണ് അവർ കടൽ തീരത്തേക്ക് പ്രവേശിക്കുന്നത് എന്ന വാദങ്ങളും ഉയരുന്നുണ്ട്.
തെറ്റായ വിവരങ്ങളാണ് ഇയാൾ പങ്കുവെച്ചിരിക്കുന്നത് എന്ന വിമർശനങ്ങളും ഉയരുന്നുണ്ട്.
Comments