മലയാളികളുടെ പ്രിയപ്പെട്ട താരമാണ് മഹേഷിന്റെ പ്രതികാരത്തിലൂടെ സിനിമയിലേയ്‌ക്ക് കടന്നു വന്ന അപർണ്ണ ബാലമുരളി. മലയാളത്തിലെ വിജയ ചിത്രങ്ങളിൽ നായികയായി തിളങ്ങിയ താരം തമിഴിൽ സൂര്യയോടൊപ്പം സൂരറൈ പോട്ര് എന്ന ചിത്രത്തിൽ മിന്നുന്ന പ്രകടനം കാഴ്ചവെച്ച് ദേശീയ അവാർഡും സ്വന്തമാക്കി. ഇപ്പോൾ, ലൊക്കേഷനിൽ നിന്നും ലൊക്കേഷനിലേയ്‌ക്ക് ഓടുന്ന തിരക്കിട്ട ഒരു താരമായി മാറിയിരിക്കുകയാണ് അപർണ്ണ ബാലമുരളി. യാത്ര ഗംഭീരമാക്കാൻ പുതിയ മെഴ്‌സിഡസ് ബെൻസിന്റെ കരുത്തൻ മോഡലായ എഎംജി ജിഎൽഎ 35 സ്വന്തമാക്കിയിരിക്കുകയാണ് നടി.
‘ജസ്റ്റ് എഎംജി തിങ്ങ്‌സ്’ എന്ന കുറിപ്പോടെ പുതിയ വാഹനം സ്വന്തമാക്കിയ വിവരം അപർണ ബാലമുരളി തന്നെയാണ് സാമൂഹിക മാദ്ധ്യമങ്ങളിൽ പങ്കുവെച്ചിരിക്കുന്നത്. 59.40 ലക്ഷം രൂപയാണ് ഈ വാഹനത്തിന്റെ എക്‌സ്‌ഷോറൂം വില. മെഴ്‌സിസീസ് വാഹനശ്രേണിയിലെ ഏറ്റവും കുഞ്ഞൻ എസ്‍യുവിയാണ് അപർണ്ണ സ്വന്തമാക്കിയിരിക്കുന്ന ജിഎൽഎ 35. എഎംജി മോഡൽ സിഗ്‌നേച്ചർ 15 വെർട്ടിക്കിൾ സ്ലാറ്റ് പാനമേരിക്കാന ഗ്രില്ല്, എൽഇഡി ഡിആർഎൽ നൽകിയിട്ടുള്ള ഹൈ പെർഫോമെൻസ് ഹെഡ്ലൈറ്റ്, വലിയ എയർ ഇൻടേക്കുകൾ നൽകിയിട്ടുള്ള ബംമ്പർ എന്നിവയാണ് എഎംജി ജിഎൽഎ 35-ന്റെ പ്രധാന ആകർഷണം.
ഫ്ളാറ്റ് ബോട്ടം സ്റ്റിയറിംഗ് വീൽ, ലെതർ ആവരണം ചെയ്ത സീറ്റുകൾ, ഇൻഫോടെയ്ൻമെന്റ് സിസ്റ്റം, ഇൻസ്ട്രുമെന്റ് ക്ലെസ്റ്റർ, 10.25 ഇഞ്ച് വലിപ്പമുള്ള രണ്ട് ഡിസ്‌പ്ലേകൾ, ഗ്ലോസി പിയാനോ ബ്ലാക്ക് നിറത്തിലുള്ള സെന്റർ കൺസോൾ, 64 നിറങ്ങളിലുള്ള ആംബിയന്റ് ലൈറ്റിംഗ്, ഡ്യുവൽ സോൺ ക്ലൈമറ്റ് കൺട്രോൾ തുടങ്ങിയവാണ് വാഹനത്തിന് ലഭിക്കുന്നു. 2.0 ലിറ്റർ നാല് സിലിണ്ടർ പെട്രോൾ എൻജിനിനാണ് വാഹനത്തിന് കരുത്ത് പകരുന്നത്. 1991 സിസിയിൽ 301.73 ബിഎച്ച്പി കരുത്തും 400 എൻഎം ടോർക്കും ഉത്പാദിപ്പിക്കുന്നു. 5.1 സെക്കന്റിൽ 100 കിലോമീറ്റർ വേഗത വാഹനം കൈവരിക്കും.
Comments