വാരണാസി; മുസ്ലീം മതവിശ്വാസികളായ യുഎസ് പൗരന്മാർ കാശിയിൽ വെച്ച് വിവാഹിതരായി. കഴിഞ്ഞ ദിവസം വാരണാസിയിലെ ത്രിലോചൻ ക്ഷേത്രത്തിൽ വെച്ചാണ് ദമ്പതികൾ വിവാഹിതരായത്.കിയാമ ദിൻ ഖലീഫയും കേശ ഖലീഫയുമാണ് ഏറെ നാളത്തെ തങ്ങളുടെ സ്വപ്നം പൂർത്തീകരിച്ചത്.
ക്ഷേത്രത്തിൽ വെച്ച് വിവാഹിതരായതിൽ ഖേദിക്കുന്നില്ലെന്നും ഹിന്ദു ആചാരപ്രകാരം വിവാഹിതരാവണമെന്നുള്ളത് ഏറെ കാലമായുള്ള ആഗ്രഹമാണെന്നും ദമ്പതികൾ പ്രതികരിച്ചു. പ്രാദേശിക പുരോഹിതനോടും ഹിന്ദു ആചാരപ്രകാരം വിവാഹം കഴിക്കാനുള്ള ഞങ്ങളുടെ സ്വപ്നം സാക്ഷാത്കരിക്കാൻ സഹായിച്ച എല്ലാവരോടും നന്ദിയുള്ളവരാണെന്ന് ദമ്പതിമാർ കൂട്ടിച്ചേർത്തു.
അഞ്ച് വർഷം മുൻപ് വാരണാസി സന്ദർശിച്ചപ്പോഴാണ് ഹിന്ദു ആചാരപ്രകാരം വിവാഹിതരാവണമെന്ന ആഗ്രഹം ദമ്പതിമാർക്ക് ഉണ്ടായത്. പിന്നീട് ഇന്ത്യ സന്ദർശിച്ചപ്പോൾ വിവാഹിതരാവാൻ തീരുമാനിക്കുകയായിരുന്നു.സനാതൻ ധർമ്മപ്രകാരമാണ് ഇരുവരും വിവാഹിതരായതെന്നും ദമ്പതിമാർക്ക് അവസരമൊരുക്കി നൽകിയതിൽ സന്തോഷമുണ്ടെന്നും ഇരുവരുടെയും ഗൈഡ് രാഹുൽ കുമാർ ദുബൈ പറഞ്ഞു.
Comments