ഇസ്ലാമാബാദ്: പറന്നുയർന്ന വിമാനത്തിനുള്ളിൽ പരാക്രമം കാണിച്ച് യാത്രക്കാരൻ. പാകിസ്താൻ ഇന്റർനാഷണൽ എയർലൈൻസിന്റെ പെഷവാറിൽ നിന്നും ദുബായിലേക്ക് യാത്ര ചെയ്ത ആളാണ് വിമാനത്തിനുള്ളിൽ ഭീകരാന്തരീക്ഷം സൃഷ്ടിച്ചത്. ഇയാൾ വിമാനത്തിന്റെ ജനൽ ചില്ലുകൾ തകർക്കാൻ ശ്രമിക്കുകയും സീറ്റുകളിൽ ചവിട്ടുകയും ജീവനക്കാരുമായി വാക്കേറ്റമുണ്ടാക്കിയതായും ദൃക്‌സാക്ഷികൾ വ്യക്തമാക്കി.
ഇയാൾ പികെ-283 വിമാനത്തിൽ മുട്ടുകുത്തി പ്രാർത്ഥിക്കുന്നത് ശ്രദ്ധയിൽപ്പെട്ടതോടെയാണ് സംഭവങ്ങളാരംഭിച്ചത്. യാത്രക്കാർ ബഹളം വെച്ചതോടെ ബലം പ്രയോഗിച്ച് തിരികെ സീറ്റിലിരുത്താൻ ശ്രമിച്ചെങ്കിലും ഇയാൾ ഇതിനോടൊന്നും സഹകരിച്ചില്ല. തുടർന്നാണ് ഇയാൾ സീറ്റിന് മുകളിലൂടെ നടന്നതും ജനൽച്ചില്ലുകൾ ചവിട്ടി പൊട്ടിക്കൻ ശ്രമിച്ചതും.
Passenger tries to break a cabin window of a #Pakistan International Airlines Airbus A320 bound from #Peshawar to #Dubai. pic.twitter.com/JNy6XjEAMS
— Yusra Askari (@YusraSAskari) September 19, 2022
യാത്രയിലുടനീളം ആക്രമണം തുടർന്നതിനെ തുടർന്നാണ് ജീവനക്കാർ യാത്രക്കാരനെ കെട്ടിയിട്ടത്. തുടർന്ന് ദുബായിലെത്തിയതോടെ ഇയാളെ കസ്റ്റഡിലെടുത്തു. സെപ്റ്റംബർ 14-നാണ് സംഭവം നടന്നത്. യാത്രക്കാരനെ കരിമ്പട്ടികയിൽ പെടുത്തിയതായി വിമാനകമ്പനി അറിയിച്ചിട്ടുണ്ട്.
