ബംഗളൂരു: കർണാടകയിൽ മൂന്ന് ഇസ്ലാമിക് സ്റ്റേറ്റ് ഭീകരർ പിടിയിൽ. ശിവമോഗ സ്വദേശികളായ ഷാരിഖ്, മാസി, സയ്യദ് യാസിൻ എന്നിവരെയാണ് പോലീസ് പിടികൂടിയത്. ഇവരുടെ പക്കൽ നിന്നും വൻ സ്ഫോടക ശേഖരവും പോലീസ് പിടിച്ചെടുത്തു.
വൻ ഭീകരാക്രമണം ആസൂത്രണം ചെയ്യാൻ പദ്ധതിയിടുന്നതിനിടെയായിരുന്നു മൂന്ന് പേരും പോലീസിന്റെ പിടിയിലായത്. മൂന്ന് പേർക്കും ഭീകര സംഘടനയുമായി ബന്ധമുള്ളതായി പോലീസിന് രഹസ്യവിവരം ലഭിച്ചിരുന്നു. തുടർന്ന് ഇവരെ നിരീക്ഷിച്ചുവരികയായിരുന്നു. ഇതിനിടെ ഇവർ ഭീകരാക്രമണം നടത്താൻ പദ്ധതിയിടുന്നതായി പോലീസിന് വിവരം ലഭിച്ചു. ഇതോടെ മൂന്ന് പേരെയും പിടികൂടുകയായിരുന്നു.
സംഭവത്തിൽ പോലീസ് വിശദമായ അന്വേഷണം ആരംഭിച്ചു. മൂന്ന് പേർക്കും ഭീകരാക്രമണങ്ങൾ നടത്താൻ പരിശീലനം ലഭിച്ചിട്ടുണ്ടെന്നാണ് ലഭിച്ചിരിക്കുന്ന വിവരം. കൂടുതൽ വിവരങ്ങൾക്കായി പ്രതികളെ ചോദ്യം ചെയ്തുവരികയാണ്. അടുത്തിടെ ശിവമോഗയിൽ കൊല്ലപ്പെട്ട ഹിന്ദു സംഘടനാ നേതാവിന്റെ കൊലപാതകത്തിൽ ഇവർക്ക് പങ്കുള്ളതായും സൂചനയുണ്ട്.
