കേരത്തിന്റെ നാടായ കേരളത്തിൽ വെളിച്ചണ്ണയില്ലാത്ത കറികളെക്കുറിച്ച് ചിന്തിക്കുക എന്നത് ഏറെ പ്രയാസമാണ്. ഭക്ഷണത്തിന് രുചി നൽകുന്ന കാര്യത്തിൽ മറ്റ് എണ്ണകളെക്കാൾ മുൻപിലാണ് വെളിച്ചെണ്ണയുടെ സ്ഥാനം. ഇതിന് പുറമേ തലയിലും ശരീരത്തിലും തേച്ച് കുളിക്കാനും വെളിച്ചെണ്ണയാണ് നാം ഉപയോഗിക്കുന്നത്. മികച്ച ഒരു ഔഷധം കൂടിയായ വെളിച്ചെണ്ണയ്ക്ക് നിരവധി ഗുണങ്ങളാണ് ഉള്ളത്.
തിളക്കവും ആരോഗ്യകരവുമായ ചർമ്മം പ്രധാനം ചെയ്യുന്നുവെന്നതാണ് വെളിച്ചെണ്ണയുടെ പ്രധാന ഗുണം. മിനുസമാർന്ന ചർമ്മം ആഗ്രഹിക്കുന്നവർ ശരീരത്തിൽ വെളിച്ചെണ്ണ തേച്ച് കുളിക്കുന്നത് നന്നായിരിക്കും. തേങ്ങാപ്പാൽ തിളപ്പിച്ച് ഉണ്ടാക്കുന്ന വെന്ത വെളിച്ചെണ്ണ കുട്ടികളുടെ ശരീരത്തിലും തലയിലും പുരട്ടിക്കുളിപ്പിക്കുന്നത് ഏറെ ഗുണകരമാണ്.
പണ്ട് പ്രായമാകുമ്പോഴായിരുന്നു ചർമ്മത്തിൽ ചുളിവുകൾ വന്നിരുന്നത് എങ്കിൽ ഇന്ന് മാറിയ ജീവിത ശൈലി കൗമാരക്കാരിൽവരെ ഈ പ്രശ്നത്തിന് കാരണമായിട്ടുണ്ട്. വെളിച്ചെണ്ണയിൽ അൽപ്പം നാരങ്ങ നീരും ചുണ്ണാമ്പുവെള്ളത്തിന്റെ തെളിയും ചേർത്ത് പുരട്ടുന്നത് ചർമ്മത്തിലെ ചുളിവ് തടയാൻ സഹായിക്കും. വരണ്ട ചർമ്മം ഒഴിവാക്കാൻ വെള്ളിച്ചെണ്ണ തേച്ച് കുളിക്കുന്നതിലൂടെ കഴിയും.
തലയിലും ശരീരത്തിലും ദിവസവും എണ്ണ തേച്ച് കുളിക്കുന്നത് നമുക്ക് ഉന്മേശം പകരുന്നു. യൗവ്വനം നിലനിർത്തുന്നതിനും ശരീര വളർച്ചയ്ക്കും എണ്ണ തേയ്ക്കുന്നത് നല്ലതാണ്. ദിവസവും 50 ഗ്രാം നാളികേരം കഴിക്കുന്നത് ശരീര ബലം വർദ്ധിക്കാൻ സഹായിക്കുന്നു. സുഖമായ ഉറക്കത്തിന് എണ്ണ തേച്ചുള്ള കുളി ശീലമാക്കാം.
മൂത്ര തടസ്സം മാറുന്നതിനായുള്ള ഒറ്റമൂലിയായി വെളിച്ചെണ്ണ ഉപയോഗിക്കാം. കരിക്കിൻ വെള്ളത്തിൽ ഏലയ്ക്കാ കുരു പൊടിച്ച് ചേർത്ത് കുടിക്കുന്നത് മൂത്ര തടസ്സത്തിന് മികച്ചതാണ്. താരൻ അകറ്റാൻ വെറ്റില വെളിച്ചെണ്ണയിൽ അരച്ച് ചേർത്ത് തലയിൽ പുരട്ടാം
Comments