പാലക്കാട്: പാലക്കാട് ഡിപ്പോയിൽ നിന്നും പുറപ്പെട്ട കെഎസ്ആർടിസി സ്വിഫ്റ്റ് ബസ്സിന്റെ ചില്ല് തകർന്നതിനെ തുടർന്ന് ദുരിതത്തിലായി യാത്രക്കാർ. പാലക്കാട് നിന്നും തിരുവനന്തപുരത്തേക്ക് പോവുകയായിരുന്ന ബസിന്റെ മുൻ വശത്തുള്ള ചില്ലിന് കേടുപാടുകൾ സംഭവിച്ചിരുന്ന വിവരം ജീവനക്കാർക്ക് അറിയാമായിരുന്നു.
ബസ് കണ്ണാടി കാഴ്ചപ്പറമ്പ് റോഡിൽ എത്തിയപ്പോൾ കുഴിയിൽ ചാടുകയും തുടർന്ന് ചില്ല് പൂർണ്ണമായും തകരുകയുമായിരുന്നു. ഇതോടു കൂടി യാത്രക്കാർ അങ്കലാപ്പിലായി. എ സി ബസ് ആയതിനാൽ യാത്ര തുടരാൻ കഴിയില്ലെന്ന് പറഞ്ഞു പാലക്കാട് ഡിപ്പോയിലേക്ക് തിരിച്ചു വരികയും യാത്രക്കാരെ ഇറക്കുകയും ചെയ്തു.
വൈകിട്ട് വൈകിട്ട് ആറ് മണിയോടെയാണ് ബസ് പാലക്കാട് നിന്നും പുറപ്പെട്ടത്. സർക്കാർ സാമ്പത്തിക പ്രതിസന്ധി കാരണം നിരവധി ബസുകൾ വെട്ടി കുറച്ച സാഹചര്യത്തിലാണ് ഇത്തരം ഒരു സംഭവം നടക്കുന്നത്. ഏറെ നേരത്തെ കാത്തിരിപ്പിന് ശേഷം എ സി അല്ലാത്ത മറ്റൊരു ബസ് കിട്ടുകയും അതിൽ കയറി ആളുകൾ യാത്ര ചെയ്യുകയും ചെയ്തു.
