ന്യൂഡൽഹി: കള്ളപ്പണ നിരോധന നിയമപ്രകാരം എൻഫോഴ്സ്മെന്റ് ഡയറക്ടറേറ്റ് രാജ്കോട്ടിൽ മൻദീപ് ഇൻഡസ്ട്രിയുടെ പേരിലുള്ള 16 കോടി രൂപയുടെ സ്വത്ത് വകകൾ കണ്ടുകെട്ടി. അനീഷ് ബി തലവ്യ, കിഷോർഭായി ഹരിഭായി വൈഷ്ണവി, രാംജിത് ഭായി എച്ച് ഗജേറ, കൽപേഷ് പി തലവ്യ തുടങ്ങിയവർ പങ്കാളികളായ സ്ഥാപനമാണ് മൻദീപ് ഇൻഡസ്ട്രി എന്ന് ഇ ഡി ഉദ്യോഗസ്ഥർ പറഞ്ഞു.
ഇവരുടെ പേരിലുള്ള അനധികൃതമായ ഭൂമി, പ്ലാന്റ്, മിഷ്യനറി, ഫാക്ടറി, ബിൽഡിങ്ങുകൾ, റെസിഡൻഷ്യൽ ഫ്ലാറ്റ്, രാജ്കോട്ടിലെ പ്ലോട്ട് തുടങ്ങി 16 കോടി രൂപയുടെ സ്ഥാവര ജംഗമ വസ്തുക്കളാണ് ഇ ഡി കണ്ടുകെട്ടിയത്. മുംബൈ പി എം എൽ എയുട കീഴിൽ നടത്തിയ അനേഷണത്തിന്റെ ഭാഗമായാണ് കള്ളപ്പണ നിരോധന നിയമപ്രകാരം ഇവർക്കെതിരെ കേസെടുത്ത് എഫ് ഐ ആർ രജിസ്റ്റർ ചെയ്തത്.
യൂണിയൻ ബാങ്കിൽ നിന്നും ഇവർ 44.64 കോടി രൂപ വയ്പ് എടുത്ത് തിരിച്ചടയ്ക്കാതെ മുങ്ങി നടക്കുകയായിരുന്നു. ബാങ്കിന് ഇത് മൂലം വൻ നഷ്ടമാണ് ഉണ്ടായത്. ബാങ്കിൽ നിന്നും ലഭിച്ച പണം വ്യാജ കമ്പനിയുടെ അക്കൗണ്ടുകളിലേക്ക് മാറ്റുകയും, ഈ പണം ഉപയോഗിച്ച് ഇവർ ഭൂമി വാങ്ങി കൂട്ടുകയും ചെയ്തതായി ഇ ഡി അന്വേഷണത്തിൽ കണ്ടെത്തി.
