ലിയനാർഡോ ഡാവിഞ്ചിയുടെ പ്രശസ്തമായ ചിത്രങ്ങളിൽ ഒന്ന് മൊണാലിസ. പതിനാറാം നൂറ്റാണ്ടിന്റെ തുടക്കത്തിൽ അദ്ദേഹം വരച്ച ഈ ചിത്രം നിഗുഢതകളുടെ കലവറയാണ്. ഇപ്പോഴും ചിത്രകാരൻ മറച്ചുവച്ച ആ നിഗൂഢത കണ്ടെത്താൻ പലരും ശ്രമിച്ചുകൊണ്ടിരിക്കുകയാണ്. ഇതിനിടയിലാണ് മൊണാലിസ എന്ന ചിത്രത്തെ അടിസ്ഥാനമാക്കി മറ്റൊരു രസകരമായ വാർത്ത വൈറലായിരിക്കുകയാണ്. യുവതികളെ മൊണാലിസയാക്കി ചിത്രീകരിച്ചിരിക്കുന്നതിന്റെ ചിത്രങ്ങളാണ് വൈറലായിരിക്കുന്നത്.
രാജ്യത്തെ വിവിധ സംസ്ഥാനങ്ങളിൽ നിന്നുള്ളവരാണെങ്കിൽ മൊണാലിസ എങ്ങനെയായിരിക്കുമെന്ന് കാണിക്കുന്ന ചിത്രങ്ങളാണിത്. പൂജ സാങ്വാൻ എന്ന വ്യക്തിയാണ് ചിത്രങ്ങൾ ട്വിറ്ററിൽ പങ്കുവച്ചിരിക്കുന്നത്. ആദ്യം പങ്കിട്ടിരിക്കുന്നത് ഡൽഹിയെ അടിസ്ഥാനമാക്കിയുള്ള മൊണാലിസയെയാണ്. ലിസ മൗസി എന്നാണ് ഈ ചിത്രത്തെ യുവാവ് വിളിച്ചത്.
പിന്നാലെ വിവിധ സംസ്ഥാനങ്ങളിലെ മൊണാലിസകളുടെ ചിത്രങ്ങൾ യുവതി പങ്കുവച്ചിട്ടുണ്ട്. ഇവയ്ക്കെല്ലാം ഒരോ സംസ്ഥാനങ്ങളെ അടിസ്ഥാനമാക്കി പേരും നൽകിയിട്ടുണ്ട്. മഹാരാഷ്ട്രക്കാരി ലിസ തായ് , ബിഹാറിൽ നിന്ന് ലിസാ ദേവി , രാജസ്ഥാനിൽ നിന്ന് മഹാറാണി ലിസ, കൊൽക്കത്തയിൽ നിന്ന് ഷോനാലിസ, കേരളത്തിലെ ലിസ മോൾ, തെലങ്കാനയിൽ നിന്നുള്ള ലിസ ബൊമ്മ ഗുജറാത്തിൽ നിന്നുള്ള ലിസ ബെൻ എന്നിങ്ങനെയാണ് ചിത്രങ്ങളെ യുവതി അടയാളപ്പെടുത്തുന്നത്.
പ്രസിദ്ധമായ മൊണാലിസയുടെ പാരടി ചിത്രങ്ങൾ സമൂഹമാദ്ധ്യമത്തിൽ ശ്രദ്ധ നേടിക്കഴിഞ്ഞിരിക്കുകയാണ്. നിരവധി ലൈക്കുകൾ ഇതിനോടകം ചിത്രങ്ങൾക്ക് ലഭിച്ച് കഴിഞ്ഞു. കൂടാതെ ഇത്തരത്തിൽ മൊണാലിസയെ വീണ്ടും അവതരിപ്പിച്ചതിനെയും ആളുകൾ അഭിനന്ദിച്ച് രംഗത്തെത്തുന്നുണ്ട്.
Comments