മുംബൈ: മഹാരാഷ്ട്രയിൽ ഒരു പോപ്പുലർ ഫ്രണ്ട് ഭീകരൻ കൂടി പിടിയിൽ. മുഹമ്മദ് ആബേദ് അലി എന്നയാളാണ് അറസ്റ്റിലായത്. മഹാരാഷ്ട്ര പോലീസിന്റെ തീവ്രവാദ വിരുദ്ധ സ്ക്വാഡ് നടത്തിയ പരിശോധനയിലാണ് പ്രതിയെ പിടികൂടിയത്.യുഎപിഎ പ്രകാരമാണ് മുഹമ്മദ് ആബേദ് അലിയെ വലയിലാക്കിയത്.
നിയമവിരുദ്ധ പ്രവർത്തന നിരോധന നിയമത്തിലെ ഐപിസി വിവിധ വകുപ്പുകൾ ചുമത്തിയാണ് അറസ്റ്റ്. 40 കാരനായ ഇയാൾ രാജ്യവിരുദ്ധ പ്രവർത്തനങ്ങൾക്ക് ചുക്കാൻ പിടിച്ചിട്ടുണ്ടെന്ന് പോലീസ് വ്യക്തമാക്കി. ഇയാളുമായി ബന്ധപ്പെട്ട കൂടുതൽ വിവരങ്ങൾ പുറത്തു വിട്ടിട്ടില്ല.
അതേസമയം എൻഐഎ റെയ്ഡിൽ അറസ്റ്റിലായ പോപ്പുലർ ഫ്രണ്ട് അക്രമികളിൽ 5 പേരുടെ റിമാൻഡ് 8 ദിവസത്തേക്ക് കൂടി നീട്ടി.അഞ്ച് ദിവസത്തെ റിമാൻഡ് കാലാവധി അവസാനിച്ചതിന് പിന്നാലെയാണ് പ്രതികളെ കോടതിയിൽ ഹാജരാക്കിയത്
സെപ്തംബർ 22ന് ദേശീയ അന്വേഷ എജൻസിയുടെ നേതൃത്വത്തിൽ പല സംസ്ഥാനങ്ങളിലായി നടത്തിയ റെയ്ഡിലാണ് തീവ്രവാദപ്രവർത്തനങ്ങൾക്ക് പിന്തുണ നൽകുന്ന 106 പേരെ അറസ്റ്റ് ചെയ്തത്. റെയ്ഡിൽ രാജ്യവിരുദ്ധ പ്രവർത്തനങ്ങൾക്കായി ഫണ്ട് സമാഹരിക്കുന്നതിന്റേയും ഭീകരസംഘടനകളുമായുള്ള ബന്ധം തെളിയിക്കുന്നതിന്റേയും തെളിവുകൾ പുറത്തുവന്നിരുന്നു.
Comments