ന്യൂഡൽഹി:ടിക്കറ്റ് നിരക്കിൽ ഇഴലുകൾ പ്രഖ്യാപിച്ച് എയർ ഇന്ത്യ. നിലവിലെ ടിക്കറ്റ് നിരക്ക് 50 ശതമാനത്തിൽ നിന്ന് 25 ശതമാനമായാണ് എയർ ഇന്ത്യ കുറച്ചത്. മുതിർന്ന പൗരന്മാർക്കും വിദ്യാർത്ഥികൾക്കുമാണ് ഈ ആനുകൂല്യം ലഭിക്കുക.
വിപണി സാഹചര്യം കണക്കിലെടുത്താണ് നിരക്ക് കുറച്ചതെന്ന് എയർ ഇന്ത്യ അധികൃതർ വ്യക്തമാക്കി. എന്നാൽ മുതിർന്ന പൗരന്മാർക്കും വിദ്യാർഥികൾക്കും ഒഴികെ മറ്റ് വിഭാഗത്തിലുള്ള യാത്രക്കാർക്കുള്ള ഇളവുകളിൽ മാറ്റമില്ല. സായുധ സേനാംഗങ്ങൾ, അർജുന അവാർഡ് ജേതാക്കൾ, ഗാലൻട്രി അവാർഡ് ലഭിച്ചവർ, കാൻസർ രോഗികൾ, അന്ധർ എന്നിവർക്ക് എയർ ഇന്ത്യ നിലവിൽ ഇളവുകൾ വാഗ്ദാനം ചെയ്യുന്നുണ്ട്.
ക്യാൻസർ രോഗികൾക്കും അടിസ്ഥാന നിരക്കിൽ 50 ശതമാനം ഇളവാണ് എയർ ഇന്ത്യ വാഗ്ദാനം ചെയ്യുന്നത്. എന്നാൽ ഇന്ത്യയിൽ താമസിക്കുന്നവരും ക്യാൻസർ ബാധിച്ചവരും മെഡിക്കൽ പരിശോധനയ്ക്കും ചികിത്സയ്ക്കുമായി യാത്ര ചെയ്യുന്നവർക്കും മാത്രമേ ഈ ഇളവ് ലഭ്യമാകുയെന്ന് എയർ ഇന്ത്യ അധികൃതർ അറിയിച്ചു.
