കീവ്: യുക്രെയ്നിലെ മണ്ണിൽ റഷ്യ തോറ്റ് ക്ഷീണിക്കുന്നതിന്റെ കൂടുതൽ വിവരങ്ങൾ പുറത്ത് വിട്ട് വിദഗ്ധർ. തങ്ങൾക്ക് നേരത്തെ സ്വാധീനമുണ്ടായിരുന്ന നാല് പ്രവിശ്യകളെ കൂട്ടിച്ചേർത്തെന്ന റഷ്യയുടെ പ്രഖ്യാപനം തോറ്റതിന്റെ ലക്ഷണമാണെന്നാണ് യുക്രെയ്ൻ സൈന്യം പറയുന്നത്.
പുതുതായി പിടിച്ചെടുത്ത ക്രിമിയ തുറമുഖം അടക്കം തിരികെ പിടിക്കാനാണ് യുക്രെയ്ൻ ശ്രമിക്കുന്നത്. ദിശാ ബോധമില്ലാത്ത മരവിച്ച മനസ്സുമായി റഷ്യൻ സൈനികർ പതറുകയാ ണെന്നും 5000 സൈനികരെ പിടികൂടിയത് നിലവിൽ യുദ്ധ രംഗത്തുള്ളവരെ തളർത്തി യെന്നുമാണ് യുക്രെയ്ൻ അവകാശപ്പെടുന്നത്.
റഷ്യൻ സൈന്യത്തിൽ നിന്ന് പിടിച്ചെടുത്ത ആയുധങ്ങളും കവചിത വാഹനങ്ങളും ടാങ്കുകളും പല പ്രവിശ്യകളും കൂട്ടികിടക്കുന്നതിന്റെ ദൃശ്യങ്ങളും യുക്രെയ്ൻ പുറത്തുവിട്ടു. ഇതിനിടെ യുക്രെയ്ന് അത്യാധുനിക ആയുധങ്ങൾ നൽകാനുള്ള അമേരിക്കയുടെ നീക്കത്തെ റഷ്യ വീണ്ടും വിമർശിച്ചു.
Comments