ഷൈൻ ടോം ചാക്കോ നായകനാകുന്ന വിചിത്രം സിനിമയുടെ ട്രെയിലർ അണിയറ പ്രവർത്തകർ പുറത്തിറക്കി. പേര് പോലെ തന്നെ വിചിത്രാനുഭവം നൽകുന്ന ചിത്രമായിരിക്കും വിചിത്രം. അച്ചു വിജയനാണ് ചിത്രം സംവിധാനം ചെയ്തിരിക്കുന്നത്. പ്രമേയത്തിലും അവതരണത്തിലും പുതിയ പരീക്ഷണം തന്നെ ആയിരിക്കും വിചിത്രമെന്ന് അടിവരയിടുന്നതാണ് പുറത്തിറങ്ങിയ ട്രെയിലർ. ലാൽ, ബാലു വർഗീസ്, ജോളി ചിറയത്ത്, കനി കുസൃതി, കേതകി നാരായൺ തുടങ്ങി നിരവധി പേർ ചിത്രത്തിൽ അണിനിരക്കുന്നു. നിഖിൽ രവീന്ദ്രനാണ് വിചിത്രത്തിന്റെ തിരക്കഥ എഴുതിയിരിക്കുന്നത്.
അർജുൻ ബാലകൃഷ്ണനാണ് ഛായാഗ്രഹണം നിർവ്വഹിക്കുന്നത്. സംഗീത സംവിധാനം ജുബൈർ മുഹമ്മദാണ്. സംവിധായകൻ അച്ചു വിജയൻ തന്നെയാണ് ചിത്രം എഡിറ്റ് ചെയ്തിരിക്കുന്നത്. ജോയ് മൂവി പ്രൊഡക്ഷൻസിന്റെ ബാനറിൽ ഡോക്ടർ അജിത് ജോയും അച്ചു വിജയനും ചേർന്നാണ് ചിത്രം നിർമിക്കുന്നത്. ദീപക് പരമേശ്വരനാണ് പ്രൊഡക്ഷൻ കൺട്രോളർ. സൂരജ് രാജ് കോ ഡയറക്ടറും, ആർ അരവിന്ദൻ ചിത്രത്തിന്റെ ക്രിയേറ്റീവ് ഡയറക്ടറുമാണ്.
സുരേഷ് പ്ലാച്ചിമട-മേക്കപ്പ്, ദിവ്യ ജോബി- കോസ്റ്റ്യൂം, ചീഫ് അസ്സോസിയേറ്റ് ഡയറക്ടർ- ഉമേഷ് രാധാകൃഷ്ണൻ, സൗണ്ട് ഡിസൈൻ- വിഷ്ണു ഗോവിന്ദ് ശ്രീ ശങ്കർ, സ്റ്റിൽ- രോഹിത് കെ സുരേഷ്, വിഎഫ്എക്സ് സൂപ്പർ വൈസർ- ബോബി രാജൻ, പിആർഒ- ആതിര ദിൽജിത്ത്, ഡിസൈൻ-അനസ് റഷാദ് ആൻഡ് ശ്രീകുമാർ സുപ്രസന്നൻ, ഡിജിറ്റൽ മാർക്കറ്റിംഗ് അനൂപ് സുന്ദരൻ എന്നിവരാണ് മറ്റ് അണിയറപ്രവർത്തകർ. ചിത്രം ഒക്ടോബർ 14-ന് തിയേറ്ററുകളിലെത്തും.
