ന്യൂഡൽഹി: സമാജ്‌വാദി പാർട്ടി സ്ഥാപകൻ മുലായം സിംഗ് യാദവിന്റെ വിയോഗത്തിൽ അനുശോചിച്ച് പ്രധാനമന്ത്രി നരേന്ദ്രമോദി. അദ്ദേഹത്തിന്റെ വേർപാട് തനിക്ക് ഏറെ വേദനയുണ്ടാക്കുന്നുവെന്നായിരുന്നു പ്രധാനമന്ത്രിയുടെ പ്രതികരണം. ഹൃദയസ്പർശിയായ നീണ്ട കുറിപ്പാണ് പ്രധാനമന്ത്രി ട്വിറ്ററിലൂടെ പങ്കുവെച്ചത്.
”മുലായം സിംഗ് യാദവ് ജി ശ്രദ്ധേയനായ വ്യക്തിത്വമായിരുന്നു. എളിമയുള്ള നേതാവെന്ന നിലയിൽ അദ്ദേഹം ഏറെ പ്രശംസിക്കപ്പെട്ടു. ജനങ്ങളുടെ പ്രശ്നങ്ങളെ അതീവ സംവേദനക്ഷമതയോടെയാണ് അദ്ദേഹം നോക്കിക്കണ്ടിരുന്നത്. ലോക്നായക് ജെപിയുടെയും ഡോ. ലോഹിയയുടെയും ആദർശങ്ങൾ ജനകീയമാക്കുന്നതിന് വേണ്ടി തന്റെ ജീവിതം ഉഴിഞ്ഞുവെക്കുകയും ജനങ്ങളെ സേവിക്കുകയും ചെയ്ത നേതാവാണ് മുലായം സിംഗ് യാദവ്.
Shri Mulayam Singh Yadav Ji was a remarkable personality. He was widely admired as a humble and grounded leader who was sensitive to people’s problems. He served people diligently and devoted his life towards popularising the ideals of Loknayak JP and Dr. Lohia. pic.twitter.com/kFtDHP40q9
— Narendra Modi (@narendramodi) October 10, 2022
ദേശീയ രാഷ്‌ട്രീയത്തിലും യുപിയുടെ രാഷ്‌ട്രീയത്തിലും ബഹുമാന്യനായിരുന്നു മുലായം സിംഗ് യാദവ് ജി. അടിയന്തിരാവസ്ഥക്കാലത്ത് ജനാധിപത്യത്തിനായി പോരാടിയ പ്രധാന സൈനികനായിരുന്നു അദ്ദേഹം. പ്രതിരോധ മന്ത്രിയെന്ന നിലയിൽ ശക്തമായ ഇന്ത്യയ്‌ക്കായി പ്രവർത്തിച്ചു. അദ്ദേഹത്തിന്റെ പാർലമെന്ററി ഇടപെടലുകൾ ഉൾക്കാഴ്ചയുള്ളതും ദേശീയ താൽപ്പര്യം ജനിപ്പിക്കുന്നതിന് പ്രേരിപ്പിക്കുന്നതുമായിരുന്നു.
Mulayam Singh Yadav Ji distinguished himself in UP and national politics. He was a key soldier for democracy during the Emergency. As Defence Minister, he worked for a stronger India. His Parliamentary interventions were insightful and emphasised on furthering national interest. pic.twitter.com/QKGfFfimr8
— Narendra Modi (@narendramodi) October 10, 2022
ഞങ്ങൾ മുഖ്യമന്ത്രിമാരായിരുന്നപ്പോൾ നിരവധി തവണ ആശയവിനിമയം നടത്തിയിട്ടുണ്ട്. ആ ബന്ധം തുടർന്നു പോന്നു. പല വിഷയങ്ങളിലും അദ്ദേഹത്തിന്റെ അഭിപ്രായങ്ങൾ കേൾക്കാൻ കാത്തിരിക്കുമായിരുന്നു. മുലായം സിംഗ് യാദവ് ജിയുടെ കുടുംബത്തിനും ലക്ഷക്കണക്കിന് വരുന്ന അനുഭാവികൾക്കും അനുശോചനമറിയിക്കുകയാണ്. ഓം ശാന്തി.. ” ഇതായിരുന്നു പ്രധാനമന്ത്രിയുടെ വാക്കുകൾ.
I had many interactions with Mulayam Singh Yadav Ji when we served as Chief Ministers of our respective states. The close association continued and I always looked forward to hearing his views. His demise pains me. Condolences to his family and lakhs of supporters. Om Shanti. pic.twitter.com/eWbJYoNfzU
— Narendra Modi (@narendramodi) October 10, 2022
ഉദരസംബന്ധമായ രോഗങ്ങളാൽ ഏറെ കാലമായി ചികിത്സയിലായിരുന്നു മുലായം സിംഗ് യാദവ്. തുടർന്ന് ഗുരുഗ്രാമിലെ സ്വകാര്യ ആശുപത്രിയിൽ കഴിയവെ 82-ാം വയസിലാണ് അന്തരിച്ചത്. സമാജ്‌വാദി നേതാവിന്റെ വേർപാടിൽ നിരവധി നേതാക്കൾ അനുശോചനം അറിയിച്ചു.
Comments