അഹമ്മദാബാദ്: ദേശീയ ഗെയിംസിൽ തുഴച്ചിൽ ഇനത്തിൽ തുടർച്ചയായി വീണ്ടും ഇരട്ട സ്വർണ്ണം സ്വന്തമാക്കി കേരളം. വനിതകളുടെ 200 മീറ്റർ സിംഗിൾ കയാക്കിങ്ങിലും കനോയിങ്ങിലുമാണ് സ്വർണനേട്ടം. പാർവതി, മേഘ പ്രദീപ് എന്നിവർക്കാണ് സ്വർണം ലഭിച്ചത്.
തുഴച്ചലിൽ മികച്ച പ്രകടനം കാഴ്ച വെച്ച കേരളം കഴിഞ്ഞ ദിവസവും ഇരട്ട സ്വർണ്ണം നേടിയിരുന്നു. വനിതാ വിഭാഗം 500 മീറ്റർ ഡബിൾസ് കനോയിങ്ങ് ടു വിഭാഗത്തിൽ മേഘ പ്രദീപ്, അക്ഷയ സുനിൽ സഖ്യവും കയാക്കിങ്ങ് ഫോർ വിഭാഗത്തിൽ ട്രീസ ജേക്കബ്, ശ്രീലക്ഷ്മി, പാർവതി, അലീന ബിജു എന്നിവരടങ്ങുന്ന ടീമുമാണ് സ്വർണം നേടിയത്. ദേശീയ ഗെയിംസിൽ കേരളത്തിന്റെ ആകെ സ്വർണ്ണമെഡലുകളുടെ എണ്ണം 21 ആയി.
Comments