ന്യൂഡൽഹി: മൂന്നാം ഏകദിനത്തിൽ ടോസ് നേടിയ ഇന്ത്യ ദക്ഷിണാഫ്രിക്കയുടെ ഒരു വിക്കറ്റ് സ്വന്തമാക്കി. ഫോമിലല്ലാത്ത ക്വിൻൺ ഡീ കോക്കാണ്(6) പുറത്തായത്. 5 ഓവറിൽ 15 റൺസാണ് സന്ദർശകർ നേടിയിരിക്കുന്നത്. വാഷിംഗ്ടൺ സുന്ദറിനാണ് വിക്കറ്റ് ലഭിച്ചത്. ജന്നേമാൻ മലാൻ(7), റീസ ഹെൻഡ്രിക്‌സ്(1) എന്നിവരാണ് ക്രീസിൽ.
ആദ്യ രണ്ടു മത്സരങ്ങളിലും ജയം പങ്കിട്ടെടുത്ത ടീമുകൾക്ക് ഇന്നത്തെ മത്സരം നിർണ്ണായകമാണ്. ഇരുടീമുകളുടേയും ബാറ്റിംഗ് നിരയിൽ മദ്ധ്യനിരയാണ് ശക്തമായ ഫോമിലുള്ളത്. ദക്ഷിണാഫ്രിക്കൻ നിരയിൽ കേശവ് മഹാരാജും റബാഡയും ഇന്ന് കളിക്കുന്നില്ല. ഡേവിഡ് മില്ലറാണ് ഇന്ന് നായകനെന്ന ചുമതല വഹിക്കുന്നത്.
