ഏറ്റവും കൂടുതൽ പേർ ഉപയോഗിക്കുന്ന ഇൻസ്റ്റന്റ് മെസേജ് ആപ്ലിക്കേഷനുകളിൽ ഒന്നാണ് മെറ്റ ഉടമസ്ഥതിയിലുള്ള വാട്‌സ്ആപ്പ്. അതുകൊണ്ട് തന്നെ വാട്‌സ്ആപ്പിലെ പുതിയ ഫീച്ചറുകളെ വലിയ ആകാംക്ഷയോടെയാണ് ഉപഭോക്താക്കൾ വരവേൽക്കാറുള്ളത്. ഏറ്റവും പുതിയാതായി വരുന്ന വാട്‌സ്ആപ്പ് ഫീച്ചറുകൾ ഇവയാണ്..
ആയിരത്തിലധികം വ്യക്തികളെ ഇനി ഒറ്റ ഗ്രൂപ്പിൽ ഉൾപ്പെടുത്താമെന്നാണ് വാട്‌സ്ആപ്പ് പറയുന്നത്. പുതിയ ഫീച്ചർ ഈയാഴ്ചയിൽ വരുന്ന അപ്‌ഡേഷനിൽ തന്നെ ലഭിച്ചേക്കും. അപ്‌ഡേഷൻ വന്നുകഴിഞ്ഞാൽ 1,024 പേരെ വരെ ഒരു വാട്‌സ്ആപ്പ് ഗ്രൂപ്പിൽ ഉൾപ്പെടുത്താം.
ഏറ്റവും ആകർഷകമായ മറ്റൊരു ഫീച്ചർ സ്‌ക്രീൻഷോട്ട് ബ്ലോക്കിംഗ് ആണ്. ഇതുപ്രകാരം ഒറ്റ തവണ മാത്രം കാണുന്ന രീതിയിൽ അയക്കുന്ന view-once മെസേജുകൾ ഇനി സ്‌ക്രീൻഷോട്ട് ചെയ്ത് സൂക്ഷിക്കാൻ കഴിയില്ല. ഇത്തരം മെസേജുകൾ സ്‌ക്രീൻഷോട്ട് എടുക്കുന്നത് പൂർണമായും ബ്ലോക്ക് ചെയ്യുമെന്ന് വാട്‌സ്ആപ്പ് അറിയിക്കുന്നു.
പ്രീമിയം സബ്‌സ്‌ക്രിപ്ഷൻ വരുമെന്നും സൂചനയുണ്ട്. എന്നാൽ വാട്‌സ്ആപ്പ് പ്രീമിയം എടുക്കാൻ എത്ര രൂപ ഈടാക്കുമെന്ന് വ്യക്തമല്ല. നിങ്ങളുടെ ലൊക്കേഷൻ എവിടെയാണെന്നതിനെ കേന്ദ്രീകരിച്ചായിരിക്കും സബ്‌സ്‌ക്രിപ്ഷൻ ചിലവെന്നാണ് പറയപ്പെടുന്നത്.
വാട്‌സ്ആപ്പിൽ ഫോട്ടോകളും വീഡിയോകളും മറ്റ് രേഖകളുമെല്ലാം നാം ഡോക്യുമെന്റ് രൂപത്തിലാക്കി അയക്കാറുണ്ട്. പുതിയ ഫീച്ചർ പ്രകാരം ഡോക്യുമെന്റ് അയക്കുമ്പോൾ ക്യാപ്ഷൻ നൽകാനുള്ള ഓപ്ഷൻ വരുമെന്നാണ് വാട്‌സ്ആപ്പ് സൂചന നൽകുന്നത്.
Comments