ലെ; തലങ്ങും വിലങ്ങും ഷോട്ടുകൾ. മികച്ച ഫുട് വർക്ക്. കൃത്യമായ പരിശീലനം ലഭിച്ചാൽ ഭാവിയിലെ ഇന്ത്യൻ താരം. ലഡാക്കിൽ നിന്ന് ക്രിക്കറ്റ് കളിച്ച് വൈറലായിരിക്കുകയാണ് ആറാം ക്ലാസുകാരിയായ ഒരു പെൺകുട്ടി. മഖ്സൂമയെന്ന പെൺകുട്ടിയാണ് ട്വിറ്ററിൽ ഉൾപ്പെടെ ആയിരങ്ങളുടെ അഭിനന്ദനം ഏറ്റുവാങ്ങുന്നത്.
ലഡാക്കിലെ സ്കൂൾ എഡ്യുക്കേഷൻ ഡയറക്ടറേറ്റ് ആണ് മഖ്സൂമ ക്രിക്കറ്റ് കളിക്കുന്ന വീഡിയോ ട്വിറ്ററിൽ പങ്കുവെച്ചത്. ഇതോടെയാണ് ഈ കൊച്ചുമിടുക്കിയുടെ ടാലന്റ് പുറം ലോകത്ത് എത്തിയത്. ഭാവിയിൽ ഇന്ത്യൻ ടീമിലേക്ക് പ്രതീക്ഷയുളള താരമെന്നാണ് പലരും കമന്റുകളിൽ കുറിക്കുന്നത്.
വീട്ടിൽ അച്ഛനും സ്കൂളിൽ അധ്യാപകരും ക്രിക്കറ്റ് കളിക്കാൻ തനിക്ക് പ്രചോദനമായിട്ടുണ്ടെന്ന് മഖ്സൂമ പറയുന്നു. വിരാട് കൊഹ്ലിയെപ്പോലെ കളിക്കാനാണ് എന്റെ പരിശ്രമം മുഴുവൻ. വിരാട് കൊഹ്ലിയാണ് എന്റെ ഇഷ്ട ക്രിക്കറ്റ് താരവും മഖ്സൂമ പറയുന്നു.
മികച്ച ഫുട്വർക്കും പവർഫുൾ ഷോട്ടുകളുമാണ് മഖ്സൂമയിൽ നിന്ന് പിറക്കുന്നത്. വീഡിയോ ദൃശ്യങ്ങളിൽ ഇത് വ്യക്തവുമാണ്. എഡ്യുക്കേഷൻ ഡയറക്ടറേറ്റിന്റെ ട്വിറ്റർ അക്കൗണ്ടിൽ തന്നെ മൂന്നേകാൽ ലക്ഷത്തിലധികം പേരാണ് വീഡിയോ കണ്ടത്. പതിനായിരത്തോളം പേർ ലൈക്ക് ചെയ്തിട്ടുണ്ട്.
ഹെലികോപ്ടർ ഷോട്ടുകൾ കളിക്കാനാണ് താൻ ഇപ്പോൾ പരിശീലിക്കുന്നതെന്നും മഖ്സൂമ വീഡിയോയിൽ പറയുന്നു. മുൻ ഇന്ത്യൻ നായകൻ എംഎസ് ധോണിയെയാണ് ഇതിൽ മഖ്സൂമ മാതൃകയാക്കിയിരിക്കുന്നത്.
മഖ്സൂമ ഭാവിയിൽ ഇന്ത്യയ്ക്ക് വേണ്ടി കളിക്കുമെന്ന് തന്നെയാണ് വീഡിയോ കണ്ടവരിൽ ഭൂരിഭാഗവും കമന്റുകളിൽ പറയുന്നത്. ലേഡി വിരാട് കൊഹ്ലിയെന്ന് പോലും പലരും വിശേഷിപ്പിക്കുന്നുമുണ്ട്.
My father at home and my teacher at school encourage me to play cricket. I'll put all my efforts to play like @imVkohli Maqsooma student class 6th #HSKaksar pic.twitter.com/2ULB4yAyBt
— DSE, Ladakh (@dse_ladakh) October 14, 2022
Comments