ന്യൂഡൽഹി: ചരിത്രം സൃഷ്ടിച്ച് ഇന്ത്യൻ ഗുസ്തി താരം സജൻ ഭൻവാല. അണ്ടർ 23 ലോക ചാമ്പ്യൻഷിപ്പിൽ ഗ്രീക്കോ-റോമൻ ഗുസ്തിയിൽ ഇന്ത്യയുടെ ആദ്യ മെഡൽ നേടിയാണ് സജൻ ഭൻവാല ചരിത്രം കുറിച്ചത്. സ്‌പെയിനിൽ നടന്ന വേൾഡ് എഡിഷനിൽ പുരുഷന്മാരുടെ 77 കിലോഗ്രാം വിഭാഗത്തിൽ വെങ്കല മെഡൽ നേടിയാണ് അദ്ദേഹം നേട്ടം കൈവരിച്ചത്.
റിപ്പച്ചേജ് റൗണ്ടിലൂടെ പോരാടിയാണ് ഇന്ത്യൻ ഗുസ്തി താരം ചരിത്ര മെഡൽ സ്വന്തമാക്കിയത്. മോൾഡോവയുടെ അലക്സാൻഡ്രിൻ ഗുട്ടുവിനോട് 0-8ന് സാജൻ പ്രീ ക്വാർട്ടർ പോരാട്ടത്തിൽ പരാജയപ്പെട്ടു. കസാക്കിസ്ഥാന്റെ റസൂൽ സൂനിസിനെ 9-6ന് തോൽപ്പിച്ചാണ് 23-കാരൻ റെപ്പച്ചേജ് റൗണ്ട് തുടങ്ങിയത്. തുടർന്ന് വൻ തിരിച്ചുവരവ് നടത്തിയ സജൻ അവസാന ഘട്ടത്തിൽ 4 പോയിന്റിന്റെ മുന്നേറ്റം നേടി 10-10 പോയിന്റിൽ മിനിറ്റുകളുടെ വ്യത്യാസത്തിൽ വിജയിക്കാനായി.
HISTORY! 🇮🇳
India's Greco Roman wrestler Sajan Bhanwala bagged a historic BRONZE 🥉 in the 77kg division at U23 #Wrestling World Championships ongoing in Pontevedra, Spain.
This is India's 1st Greco Roman medal in U23 Wrestling World Championship!
#WrestlePontevedra pic.twitter.com/1c80ozgf9x
— SAI Media (@Media_SAI) October 18, 2022
ജൂനിയർ ലോക ചാമ്പ്യൻ ആന്റിം പംഗൽ ഉൾപ്പെടെ 20 ലധികം ഇന്ത്യൻ ഗുസ്തിക്കാർക്ക് രാജ്യത്ത് നടന്നുകൊണ്ടിരിക്കുന്ന അണ്ടർ 23 ലോക ചാമ്പ്യൻഷിപ്പിൽ പങ്കെടുക്കാൻ സ്പാനിഷ് സർക്കാർ വിസ നിഷേധിച്ചിരുന്നു. ഈ പശ്ചാത്തലത്തിലാണ് ടൂർണമെന്റിലെ സജന്റെ മെഡൽ.രാജ്യത്ത് ആദ്യമായാണ് ഇത്തരത്തിലൊരു സംഭവം നടക്കുന്നതെന്നും ഒരു രാജ്യത്തിന് ടൂർണമെന്റ് നടത്താൻ അനുമതി നൽകുന്നത് മറ്റ് രാജ്യങ്ങളിൽ നിന്നുള്ളവരെ പങ്കെടുക്കുന്നത് തടയാൻ കഴിയില്ലെന്ന വ്യവസ്ഥയിലാണെന്നും റസ്ലിംഗ് ഫെഡറേഷൻ ഓഫ് ഇന്ത്യയുടെ പ്രസിഡന്റ് ബിബിഎസ് സിംഗ് ഖേദം പ്രകടിപ്പിച്ചു. 30 കളിക്കാരിൽ 9 പേർക്ക് മാത്രമാണ് വിസ നൽകിയത്.
