കൊച്ചി; 2021 ലെ ഫിലിം ക്രിട്ടിക്സ് പുരസ്കാരങ്ങൾ പ്രഖ്യാപിച്ചു. മികച്ച നടനുള്ള പുരസ്കാരം ദുൽഖർ സൽമാനാണ്. കുറുപ്പ്, സല്യൂട്ട് എന്നീ ചിത്രങ്ങളിലെ അഭിനയത്തിനാണ് പുരസ്കാരം. ‘ഉടൽ’ സിനിമയിലെ പ്രകടനത്തിന് മികച്ച നടിയായി ദുർഗ കൃഷ്ണയെ തിരഞ്ഞെടുത്തു. കൃഷാന്ത് നിർമ്മിച്ച് സംവിധാനം ചെയ്ത ആവാസവ്യൂഹമാണ് മികച്ച ചിത്രം. നായാട്ടിലൂടെ മാർട്ടിൻ പ്രക്കാട്ട് മികച്ച സംവിധായകനുള്ള അവാർഡിനർഹനായി.
മികച്ച രണ്ടാമത്തെ നടനായി മേപ്പടിയാനിലെ പ്രകടനത്തിന് ഉണ്ണി മുകുന്ദൻ അർഹനായി. ഹോംമിലെ പ്രകടനത്തിന് മഞ്ജു പിള്ളയെ മികച്ച രണ്ടാമത്തെ നടിയായി തിരഞ്ഞെടുത്തു. ജോഷിക്ക് ചലച്ചിത്രരത്നം പുരസ്കാരവും സുരേഷ് ഗോപിക്ക് ക്രിട്ടിക്സ് ജൂബിലി അവാർഡും ലഭിച്ചു. രേവതി, ഉർവശി, ബാബു നമ്പൂതിരി, കൊച്ചുപ്രേമൻ എന്നിവർക്കാണ് ചലച്ചിത്ര പ്രതിഭാ പുരസ്കാരം.അസോസിയേഷൻ പ്രസിഡന്റും ജൂറി ചെയർമാനുമായ ഡോ.ജോർജ്ജ് ഓണക്കൂറാണ് പുരസ്കാരങ്ങൾ പ്രഖ്യാപിച്ചത്.
മികച്ച രണ്ടാമത്തെ ചിത്രം: മിന്നൽ മുരളി.
മികച്ച രണ്ടാമത്തെ ചിത്രത്തിന്റെ സംവിധായകൻ: ബേസിൽ ജോസഫ്.
ബാലതാരം : മാസ്റ്റർ ആൻ മയ്(ചിത്രം: എന്റെ മഴ), മാസ്റ്റർ അഭിമന്യു (ചിത്രം: തുരുത്ത്)
തിരക്കഥ : ജീത്തു ജോസഫ് (ചിത്രം ദൃശ്യം-2), ജോസ് കെ.മാനുവൽ (ചിത്രം ഋ)
ഗാനരചയിതാവ് : ജയകുമാർ കെ പവിത്രൻ (ചിത്രം : എന്റെ മഴ)
സംഗീത സംവിധാനം : ഹിഷാം അബ്ദുൽ വഹാബ്(ചിത്രം : ഹൃദയം, മധുരം)
പിന്നണി ഗായകൻ : സൂരജ് സന്തോഷ് (ഗാനം :ഗഗനമേ ചിത്രം: മധുരം)
പിന്നണി ഗായിക : അപർണ രാജീവ് (ഗാനം തിര തൊടും തീരം മേലെ…ചിത്രം തുരുത്ത്)
ഛായാഗ്രാഹകൻ : അസ്ലം കെ പുരയിൽ (ചിത്രം: സല്യൂട്ട്)
ചിത്രസന്നിവേശകൻ : പ്രജീഷ് പ്രകാശ് (ചിത്രം: ഹോം)
ശബ്ദലേഖകൻ : സാൻ ജോസ് ( ചിത്രം : സാറാസ്)
കലാസംവിധായകൻ : മനു ജഗത് (ചിത്രം: മിന്നൽ മുരളി)
മേക്കപ്പ്മാൻ : ബിനോയ് കൊല്ലം (ചിത്രം : തുരുത്ത് )
വസ്ത്രാലങ്കാരം: അരുൺ മനോഹർ (ചിത്രം: സബാഷ് ചന്ദ്രബോസ്)
ജനപ്രിയ ചിത്രം: ഹൃദയം (സംവിധാനം : വിനീത് ശ്രീനിവാസൻ)
Comments