കുടംപുളി ചില്ലറക്കാരനല്ല; പല വീടുകളിലും നട്ടുവളർത്തുന്നതിന്റെ കാര്യം അറിയുമോ?

കുടംപുളി ഒരു രൂചിക്കൂട്ട് മാത്രമെന്നാണ് പലരുടെയും ധാരണ. മീൻ കറിക്ക് പുളിയും രുചിയും കൂട്ടാനുള്ള ഒരു വസ്തുവായി മാത്രമെ പലരും ഇതിനെ കരുതുന്നൊള്ളു. അതിനാൽ തന്നെ കറിയ്‌ക്ക് ഉപയോ​ഗിക്കുന്നതിനു വേണ്ടി മാത്രം കടയിൽ നിന്നും കുറച്ചു വാങ്ങി വീട്ടിൽ സൂക്ഷിക്കുന്നു. എന്നാൽ അവയുടെ ​ഗുണങ്ങൾ അറിഞ്ഞാൽ ഓരോത്തരും വീട്ടിൽ നട്ടു വളർത്തുക തന്നെ ചെയ്യും. ആരോഗ്യ ഗുണങ്ങൾ ഏറെയുണ്ട് കുടംപുളിക്ക്. പഴുത്ത കുടംപുളി ഉണക്കിയശേഷം വർഷങ്ങളോളം നമുക്കിത് കേടു കൂടാതെ സൂക്ഷിക്കാം. എന്താണ് കുടംപുളിയുടെ ​ഗുണങ്ങൾ എന്ന് നോക്കാം,

കവിത പാടാം; കോളേജ് കുമാരനാകാം; പ്രായമേറിയാലും പഠിക്കാൻ കഴിയുന്ന കോഴ്‌സുകൾ .

കുടംപുളിയിൽ ഹൈഡ്രോക്സി സിട്രിക് ആസിഡ് (HSA) അടങ്ങിയിട്ടുണ്ട്. മറ്റ് പോഷകങ്ങളോടൊപ്പം ഇതു കൂടി ചേരുമ്പോൾ ശരീരത്തിന് ഏറെ ഗുണം ചെയ്യും. ശരീരഭാരം കുറയ്‌ക്കാൻ കുടംപുളി ഉത്തമമാണ്. കൊഴുപ്പുണ്ടാക്കുന്ന എൻസൈമുകളെ HCA തടയും കൂടാതെ വ്യായാമശേഷം അസ്ഥീപേശികളിൽ ഗ്ലൈക്കോജൻ സംഭരിക്കുന്നത് കൂട്ടുകയും ചെയ്യുന്നു.

• ഉപാപചയപ്രവർത്തനം മെച്ചപ്പെടുത്തുന്നു.
• ചീത്ത കൊളസ്ട്രോൾ കുറയ്‌ക്കുന്നു.
• രക്തത്തിലെ പഞ്ചസാരയുടെ അളവും ഇൻസുലിൻ റെസ്പോൺസും മെച്ചപ്പെടുത്തുന്നു.
• ക്ഷീണം, പേശികൾക്കു തളർച്ച ഇവയെല്ലാം അകറ്റി ശരീരത്തിന് ഊർജ്ജം നൽകുന്നു.
• കുടംപുളി വിശപ്പു നിയന്ത്രിക്കുന്നു. ഇതുമൂലം കൃത്യസമയത്തും കൃത്യമായ അളവിലും ഭക്ഷണം കഴിക്കുകയും ശരീരഭാരം കുറയുകയും ചെയ്യും.
• മാനസിക പിരിമുറുക്കം കുറയ്‌ക്കുന്നു. കുടംപുളി സത്തിലടങ്ങിയ HCA സംയുക്തം രക്തത്തിലെ കോർട്ടി സോളിന്റെ അളവിനെ നിയന്ത്രിക്കും. മാനസിക പിരിമുറുക്കതിന് കാരണമാകുന്ന ഒരു പ്രധാന ഹോർമോണാണ് കോർട്ടിസോൾ. ഇതിനെ നിയന്ത്രിക്കാൻ കുടംപുളിക്ക് സാധിക്കുന്നു. ഓക്സീകരണ സമ്മർദം കുറയ്‌ക്കുന്നു.
• വിഷാദം അകറ്റുന്നു. കുടംപുളിയിലടങ്ങിയ ഓർഗാനിക് സംയുക്തങ്ങൾ വിഷാദം അകറ്റുന്നു.
• നല്ല കൊളസ്ട്രോളിന്റെ അളവ് കൂട്ടി ചീത്ത കൊളസ്ട്രോളിന്റെ അളവ് കുറയ്‌ക്കുന്നു. അതിറോസ്ക്ലീറോസിസ്, ഹൃദയാഘാതം, പക്ഷാഘാതം ഇവയൊക്കെ വരാനുള്ള സാധ്യത കുടംപുളി കഴിക്കുന്നത് കുറയ്‌ക്കും.
• പ്രമേഹം നിയന്ത്രിക്കുന്നു. ഗ്ലൂക്കോസ് മെറ്റബോളിസം നിയന്ത്രിക്കുന്നു.