തിരുവനന്തപുരം : കേരളത്തിൽ നിന്നും വിദേശത്തേക്ക് ജോലിയ്ക്ക് ആളുകൾ പോകുന്നത് സംസ്ഥാനത്തെ വിദ്യാഭ്യാസത്തിന്റെ ഗുണനിലവാരം കൊണ്ടാണെന്ന് മന്ത്രി പി രാജീവ്. വിദ്യാഭ്യാസ നിലവാരത്തെ പ്രകീർത്തിച്ച മന്ത്രി കേരളത്തെ അപമാനിക്കാനുള്ള ബോധപൂർവ്വമായ ശ്രമത്തെ പ്രതിരോധിക്കണമെന്നും ആവശ്യപ്പെട്ടു.
കേരളത്തിലെ തൊഴിലന്തരീക്ഷം ശാന്തമാണ്. സംസ്ഥാനത്ത് നിന്നും വിദേശത്തേക്ക് ജോലിയ്ക്കായും മറ്റും ആളുകൾ പോകുന്നത് സംസ്ഥാനത്തെ വിദ്യാഭ്യാസത്തെ ഗുണനിലവാരം കൊണ്ടാണ്. കേരളത്തിൽ നിന്ന് യുവാക്കൾ വിദേശരാജ്യങ്ങളിലേക്ക് പഠിക്കാനും ജോലിക്കുമായി കുടിയേറി പോകുന്ന സാഹചര്യത്തിലാണ് മന്ത്രിയുടെ പരാമർശം.
രാജ്യത്ത് ജനാധിപത്യം വെല്ലുവിളി നേരിടുന്നു സമയമാണിതെന്നും മന്ത്രി പറഞ്ഞു. കേരളത്തെ അപമാനിക്കാൻ ബോധപൂർവ്വമായ ശ്രമങ്ങൾ നടക്കുന്നുണ്ട്. ഇതിനെ പ്രതിരോധിക്കണം. കേരളത്തിനെതിരെ ചിലർ യുദ്ധപ്രഖ്യാപനം നടത്തുന്നുണ്ടെന്നും ഉത്തരവാദിത്തപ്പെട്ടവർ തന്നെ അത് ചെയ്തുവെന്നും രാജീവ് കൂട്ടിച്ചേർത്തു.
