ലോകത്തെ കാണാനും ആസ്വദിക്കാനുമുള്ളതാണ് നമ്മുടെ കണ്ണുകൾ.വർണ്ണക്കാഴ്ചകൾ കണ്ട് അനുഭൂതി അണയുന്ന ഈ കണ്ണുകളുടെ കാഴ്ച പെട്ടെന്നൊരിക്കൽ നഷ്ടപ്പെട്ടാലോ? തളർന്നുപോകും അല്ലേ? ഇരുട്ടിന്റെ ലോകത്തേക്ക് പെട്ടെന്ന് വീണുപോയതിന്റെ വേദന മറികടക്കാനാകാതെ പലരും പാതിവഴിയിൽ തളർന്നുപോകും.
എന്നാൽ തന്റെ പരിമിതികളെ സന്തോഷമാക്കി മാറ്റുന്ന ഒരു യുവാവിന്റെ കഥയാണ് ഇപ്പോൾ സമൂഹമാദ്ധ്യമങ്ങളിൽ വൈറലാവുന്നത്. അമേരിക്ക കാരനായ ബ്രയാൻ സ്റ്റാലിയാണ് കാൻസർ ബാധിച്ച് കാഴ്ച നഷ്ടപ്പെട്ടിട്ടും തളരാതെ പോരാടുന്നത്. കാൻസർ ബാധിതനായതോടെ 33 കാരനായ ബ്രയാന്റെ ഒരു കണ്ണിന്റെ കാഴ്ചയാണ് നഷ്ടപ്പെട്ടത്. എന്നാൽ ഈ കണ്ണുകൾ എങ്ങനെ ഉപയോഗിക്കുമെന്നായി പിന്നെ അദ്ദേഹത്തിന്റെ ചിന്ത.
https://www.instagram.com/p/CkEAwvspUSb/
ഒടുവിൽ കാഴ്ച നഷ്ടപ്പെട്ട കണ്ണിന് പകരം ഒരു കൃത്രിമ കണ്ണ് ,ഒരു എൻജിനീയർ കൂടിയായ ബ്രയാൻ നിർമ്മിച്ചെടുത്തു. വെറും കണ്ണായിരുന്നില്ല,ഒരു ഫ്‌ളാഷ് ലൈറ്റ് പോലെ പ്രവർത്തിക്കുന്ന, വെളിച്ചം നൽകുന്ന കണ്ണായിരുന്നു അത്.
ഇരുട്ടിൽ വായിക്കാനും മറ്റ് ആവശ്യങ്ങൾക്കും ഈ ”സ്‌കൾ ലാമ്പ്” വലിയ ഉപകാരപ്രദമാണെന്ന് ബ്രയാൻ പറയുന്നു. 20 മണിക്കൂർ ബാറ്ററി ലൈഫുള്ള ഇത് ചൂടാവുകയില്ല. അതുകൊണ്ടുതന്നെ ഈ കൃത്രിമ കണ്ണ് നഷ്ടപ്പെട്ടുപോയ കണ്ണിന്റെ സ്ഥാനത്ത് വയ്‌ക്കുമ്പോൾ യാതൊരു വിധത്തിലുള്ള ബുദ്ധിമുട്ടുകളും ഉണ്ടാകില്ല എന്നാണ് ബ്രയാൻ അവകാശപ്പെടുന്നത്. എന്തായാലും വെളിച്ചം നഷ്ടപ്പെട്ട കണ്ണിലൂടെ സ്വയം പ്രകാശം പരത്തുകയാണ് ബ്രയാനെന്നാണ് സോഷ്യൽ മീഡിയ പുകഴ്‌ത്തുന്നത്.
Comments