മീനിനെ കരയിൽ എടുത്തിട്ടാൽ അത് നിമിഷങ്ങൾക്കകം ചത്ത് പോകും എന്ന കാര്യത്തിൽ സംശയമില്ല. എന്നാൽ കരയിൽ എടുത്തിട്ട മീനിന് മുകളിൽ വെള്ളമൊഴിച്ചാൽ അതിന് ജീവൻ വെയ്ക്കുമോ ? ഇല്ല എന്ന് തന്നെ നിസ്സംശയം പറയാനാകും. എന്നാൽ ചത്തുണങ്ങിയ മീനിന്റെ ശരീരത്തിൽ വെള്ളമൊഴിക്കുമ്പോൾ അതിന് ജീവൻ വെയ്ക്കുന്ന വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധ നേടുന്നത്.
ചത്തുണങ്ങിയ രീതിയിലുള്ള മീനിന്റെ ശരീരത്തിൽ വെള്ളമൊഴിക്കുമ്പോൾ അതിന് ജീവൻ വെയ്ക്കുന്ന ദൃശ്യങ്ങളാണിത്. കോമൺ പ്ലെക്കോ എന്നറിയപ്പെടുന്ന സക്കർമൗത്ത് ക്യാറ്റ്ഫിഷാണ് ഇത്. ഹൈബർനേഷൻ പോലുള്ള അവസ്ഥയിലേക്ക് മാറാനുള്ള കഴിവ് വികസിപ്പിച്ചെടുത്ത ഇനം മത്സ്യമാണ് വീഡിയോയിലുള്ളത്. അതായത് മഴ പെയ്യുന്നതുവരെ മാസങ്ങളോളം വെള്ളമില്ലാതെ ഉണങ്ങിക്കിടക്കുന്ന ചെളിയിൽ ജീവിക്കാൻ ഇതിന് സാധിക്കുന്നു.
പല മത്സ്യങ്ങളിൽ നിന്നും വ്യത്യസ്തമായി, പ്ലെക്കോസിന് ആവശ്യമായ ഓക്സിജൻ അടിവയറ്റിൽ സംഭരിച്ചാൽ വെള്ളമില്ലാത്ത സ്ഥലത്ത് 30 മണിക്കൂർ വരെ ജീവിക്കാൻ കഴിയും. ഏത് പരിതസ്ഥിതിയിലും ജീവിക്കാൻ സാധിക്കുന്ന മത്സ്യമാണെന്നാണ് വ്യക്തമാകുന്നത്.
