തിരുവനന്തപുരം: വാകോ ഇന്ത്യൻ ഓപ്പൺ ഇന്റർനാഷണൽ കിക്ക്‌ബോക്‌സിംഗ് ചാമ്പ്യൻഷിപ്പിൽ ഇന്ത്യയ്‌ക്ക് വേണ്ടി വെങ്കല മെഡൽ നേടി മലയാളി താരം അഭിജിത് രാമചന്ദ്രൻ. ഡൽഹിയിൽ നടന്ന ടൂർണമെന്റ് കഴിഞ്ഞ ദിവസമാണ് സമാപിച്ചത്.
തിരുവനന്തപുരം തമലം വെളിയത്തുമേലേവീട്ടിൽ രാമചന്ദ്രൻനായർ, ജയകുമാരി ദമ്പതികളുടെ മകനാണ് അഭിജിത് രാമചന്ദ്രൻ. തിരുവനന്തപുരം പൂജപ്പുര യോഷിസ് സ്‌പോർട്‌സ് ക്ലബ്ബിലാണ് അഭിജിത്ത് പരിശീലനം നേടിയത്.
വാകോ ഇന്ത്യ കിക്ക് ബോക്‌സിംഗ് ഫെഡറേഷനാണ് ടൂർണമെന്റ് സംഘടിപ്പിച്ചത്. 91 കിലോ വിഭാഗത്തിലാണ് അഭിജിത് മത്സരിച്ചത്. ഇന്ത്യൻ കിക്ക്‌ബോക്‌സിംഗ് ടീം ചീഫ് കോച്ച് സുരേഷ് , അസിസ്റ്റന്റ് കോച്ച് ചന്ദ്രു എന്നിവർ അഭിജിത്തിന്റെ നേട്ടത്തിൽ സന്തോഷം പങ്കുവെച്ചു.
നേരത്തെയും കിക്ക് ബോക്‌സിംഗിൽ നിരവധി നേട്ടങ്ങൾ അഭിജിത് സ്വന്തമാക്കിയിട്ടുണ്ട്.
