മുംബൈ: ഇന്ത്യയുടെ കൊറോണപോരാട്ടം വെള്ളിവെളിച്ചം കാണുന്നു. ബോളിവുഡ് സംവിധായകൻ വിവേക് അഗ്നിഹോത്രിയുടെ പുതിയ ചിത്രം ദ വാക്സിൻ വാറിന്റെ റിലീസ് തീയതി പ്രഖ്യാപിച്ചു.2023 ഓഗസ്റ്റ് 15 നാണ് ചിത്രം പ്രദർശനത്തിനെത്തുക.
ദ വാക്സിൻ വാർ നിങ്ങൾക്ക് മുമ്പിൽ അവതരിപ്പിക്കുന്നു. ഒരു യുദ്ധത്തിൽ ഇന്ത്യ നടത്തിയ ചെറുത്തുനിൽപ്പിനെ കുറിച്ച് നിങ്ങൾ അറിഞ്ഞിട്ടില്ലാത്ത അവിശ്വസനീയമായ കഥ.ശാസ്ത്രവും ധൈര്യവും മഹത്തായ ഇന്ത്യൻ മൂല്യങ്ങളും അതിൽ വിജയിച്ചു’ എന്ന ക്യാപ്ഷനോടെയാണ് വിവേക് അഗ്നിഹോത്രി റിലീസ് തിയതി പ്രഖ്യാപിച്ചത്.
ദ വാക്സിൻ വാർ വൈദ്യശാസ്ത്ര രംഗത്തെയും ശാസ്ത്രജ്ഞരുടെയും അനന്തമായ പിന്തുണയ്ക്കും സമർപ്പണത്തിനുമുള്ള ആദരവാണെന്ന് വിവേക് അഗ്നിഹോത്രിയുടെ ഭാര്യ പല്ലവി ജോഷി പറഞ്ഞു. ശാസ്ത്രജ്ഞരുടെ വിജയമാണ് ചിത്രത്തിൽ ആഘോഷിക്കുന്നതെന്നും അവർ കൂട്ടിച്ചേർത്തു.
ഹിന്ദി,ഇംഗ്ലീഷ്,ഗുജറാത്തി,പഞ്ചാബി,ഭോജ്പുരി,ബംഗാളി,മറാത്തി,തെലുങ്ക്,തമിഴ്, കന്നഡ,ഉറുദു,തുടങ്ങി 11 ഭാഷകളിൽ ചിത്രം റിലീസ് ചെയ്യും. പല്ലവി ജോഷിയുടെ ഐആം ബുദ്ധ പ്രൊഡക്ഷൻസും അഭിഷേക് അഗർവാളും ചേർന്ന് അഗർവാൾ ആർടിന്റെ ബാനറിലാണ് ചിത്രം നിർമ്മിക്കുക. സിനിമയിലെ അഭിനേതാക്കളെ ഇത് വരെ പ്രഖ്യാപിച്ചിട്ടില്ല.
