നീണ്ട ഇടവേളയ്ക്ക് ശേഷം ഷാജി കൈലാസ് മോഹൻലാലിനെ കേന്ദ്ര കഥാപാത്രമാക്കി നിർമ്മിക്കുന്ന ചിത്രമാണ് എലോൺ. മോഹൻലാൽ മാത്രമാണ് ചിത്രത്തിൽ അഭിനയിക്കുന്നത് എന്നുള്ളതാണ് ഇതിന്റെ ഏറ്റവും വിലയ പ്രത്യേകത. ഇപ്പോഴിതാ ചിത്രത്തിലെ മോഹൻലാലിന്റെ ഒരു സ്റ്റിൽ പങ്കുവച്ചിരിക്കുകയാണ് ഷാജി കൈലാസ്.
മീശ പിരിച്ച് നിൽക്കുന്ന മോഹൻലാലിന്റെ ചിത്രമാണ് അദ്ദേഹം പങ്കുവച്ചിരിക്കുന്നത്. ഇന്നലത്തേതിലും ശക്തമായ എന്ന ക്യാപ്ഷനും ചിത്രത്തിന് അദ്ദേഹം നൽകിയിട്ടുണ്ട്. സമൂഹമാദ്ധ്യമത്തിൽ പങ്കുവച്ച ചിത്രം ആരാധകർ ഏറ്റെടുത്ത് കഴിഞ്ഞു.
നിലവിൽ ഒടിടി റിലീസിനൊരുങ്ങുന്ന ചിത്രത്തിന്റെ റിലീസ് ഇത് വരെ ഔദ്യോഗികമായി പ്രഖ്യാപിച്ചിട്ടില്ല. 12 വർഷത്തിന് ശേഷമാണ് ഷാജി കൈലാസും മോഹൻലാലും ഒന്നിച്ച് എത്തുന്നത്. കഴിഞ്ഞ മാസം പുറത്തിറങ്ങിയ എലോണിന്റെ ടീസർ ശ്രദ്ധ നേടിയിരുന്നു. ആശീർവാദ് സിനിമാസിന്റെ ബാനറിൽ ആൻറണി പെരുമ്പാവൂരാണ് എലോൺ നിർമ്മിക്കുന്നത്. രാജേഷ് ജയറാമാണ് ചിത്രത്തിന് തിരക്കഥ ഒരുക്കിയിരിക്കുന്നത്.
