ന്യൂഡൽഹി: കേന്ദ്ര ആഭ്യന്തര മന്ത്രി അമിത് ഷായ്‌ക്കൊപ്പം നിൽക്കുന്ന മുൻ ഇന്ത്യൻ ക്രിക്കറ്റ് ടീം ക്യാപ്ടൻ മഹേന്ദ്ര സിംഗ് ധോണിയുടെ ചിത്രങ്ങൾ സാമൂഹിക മാദ്ധ്യമങ്ങളിൽ വൈറൽ ആകുന്നു. മുൻ ബിസിസിഐ അദ്ധ്യക്ഷൻ എൻ ശ്രീനിവാസന്റെ ഉടമസ്ഥതയിലുള്ള ഇന്ത്യാ സിമന്റ്സിന്റെ 75ആമത് വാർഷികവുമായി ബന്ധപ്പെട്ട് ചെന്നൈയിൽ നടന്ന ചടങ്ങിലായിരുന്നു ഇരുവരും കണ്ടു മുട്ടിയത്. എം എസ് ധോണി ബിജെപിയിൽ ചേരുമെന്ന തരത്തിൽ നേരത്തേ മുതൽ പ്രചരിച്ചിരുന്ന അഭ്യൂഹങ്ങൾ ഇതോടെ വീണ്ടും ശക്തമാവുകയാണ്.
അന്താരാഷ്‌ട്ര ക്രിക്കറ്റിൽ നിന്നും വിരമിച്ച ധോണി, നിലവിൽ ഐപിഎല്ലിൽ ചെന്നൈ സൂപ്പർ കിംഗ്സിന് വേണ്ടി മാത്രമാണ് കളിക്കുന്നത്. ഐപിഎൽ 2023 സീസണോടെ ധോണി സജീവ ക്രിക്കറ്റിൽ നിന്നും പൂർണ്ണമായും വിരമിക്കും എന്നാണ് സൂചന.
സജീവ ക്രിക്കറ്റിനോടും ഐപിഎല്ലിനോടും വിട പറയാനുള്ള സമയമായെന്ന് ധോണി അടുത്തയിടെ സൂചനകൾ നൽകിയിരുന്നു. ആരാധകർ തനിക്ക് നൽകുന്ന അകമഴിഞ്ഞ പിന്തുണയ്‌ക്ക് താരം നന്ദി പറഞ്ഞിരുന്നു. ഇന്ത്യൻ ക്രിക്കറ്റ് ടീമിന്റെ എക്കാലത്തെയും മികച്ച ക്യാപ്ടൻ എന്ന് വിശേഷിപ്പിക്കപ്പെടുന്ന എം എസ് ധോണി, ബിജെപിയുമായും പ്രധാനമന്ത്രി നരേന്ദ്ര മോദിയുമായും മികച്ച ബന്ധമാണ് പുലർത്തുന്നത്.
Thala standing for National Anthem brings back memories! #MSDhoni & Shri #AmitShah at the India Cements Platinum Jubilee event today in Chennai. pic.twitter.com/GFt83cxco0
— Prabhu (@Cricprabhu) November 12, 2022
https://twitter.com/observing2you/status/1591350950568267776?ref_src=twsrc%5Etfw%7Ctwcamp%5Etweetembed%7Ctwterm%5E1591350950568267776%7Ctwgr%5Ea6193353e3db84404678c4af4668061e15b2d129%7Ctwcon%5Es1_&ref_url=https%3A%2F%2Fnews.abplive.com%2Fsports%2Fdhoni-meets-amit-shah-twitter-reactions-after-ms-dhoni-pic-with-amit-shah-goes-viral-1563024
