ബംഗളൂരു: കർണാടകയിൽ നിരോധിത വിദ്യാർത്ഥി സംഘടനയായ ക്യാമ്പസ് ഫ്രണ്ട് നേതാവ് അറസ്റ്റിൽ. അസം സ്വദേശി ആമിർ ഹംസയാണ് അറസ്റ്റിലായത്. ബംഗളൂരുവിൽ നിന്നും അസം പോലീസാണ് ഇയാളെ അറസ്റ്റ് ചെയ്തത്.
രാജ്യവ്യാപകമായി പോപ്പുലർ ഫ്രണ്ട് കേന്ദ്രങ്ങളിൽ എൻഐഎ പരിശോധന നടത്തുന്നതിനിടെ ആമിർ ഭയന്ന് ഒളിവിൽ പോകുകയായിരുന്നു. ഇതിന് ശേഷം ഇയാളെക്കുറിച്ച് എൻഐഎ അന്വേഷണം നടത്തിയെങ്കിലും കണ്ടെത്താൻ കഴിഞ്ഞില്ല. ഇതിന് പിന്നാലെ ഇയാൾ ബംഗളൂരുവിൽ ഉള്ളതായി പോലീസിന് വിവരം ലഭിക്കുകയായിരുന്നു. തുടർന്നാണ് അവിടെയെത്തി അറസ്റ്റ് രേഖപ്പെടുത്തിയത്. ത്രിപുരയിൽ നിന്നും ബംഗളൂരുവിലെത്തിയ കുടുംബത്തോടൊപ്പം വ്യാജ പേരിൽ കഴിഞ്ഞുവരികയായിരുന്നു ഇയാൾ.
അറസ്റ്റിന് ശേഷം ബംഗളൂരു പോലീസ് ഇയാളെ അഡീഷണൽ ചീഫ് മെട്രോ പോളിറ്റൻ മജിസ്ട്രേറ്റ് കോടതിയിൽ ഹാജരാക്കി. വിശദമായ അന്വേഷണത്തിനായി ആമിറിനെ ഗുവാഹത്തിയിലേക്ക് കൊണ്ടുവന്നു.
Comments