ലണ്ടൻ: ട്വന്റി 20 ലോകകപ്പ് ഫൈനലിൽ പാകിസ്താനെ നേരിടുന്ന ഇംഗ്ലീഷ് താരങ്ങൾ കളത്തിലിറങ്ങിയത് കറുത്ത ആം ബാൻഡ് ധരിച്ച്. ഇംഗ്ലീഷ് ക്രിക്കറ്റിന് മികച്ച സംഭാവനകൾ നൽകിയ ഡേവിഡ് ഇംഗ്ലീഷിന്റെ നിര്യാണത്തിൽ അനുശോചനം രേഖപ്പെടുത്തുന്നതിന്റെ ഭാഗമായാണ് ഇംഗ്ലീഷ് താരങ്ങൾ കറുത്ത ആം ബാൻഡ് ധരിച്ച് കളിക്കുന്നത്. ഇംഗ്ലീഷ് ക്രിക്കറ്റിന്റെ ഗോഡ്ഫാദർ എന്നാണ് ഡേവിഡ് ഇംഗ്ലീഷ് അറിയപ്പെടുന്നത്.
ആയിരക്കണക്കിന് ഫസ്റ്റ് ക്ലാസ് ക്രിക്കറ്റ് താരങ്ങളേയും ഇരുന്നൂറോളം അന്താരാഷ്ട്ര താരങ്ങളേയും സംഭാവന ചെയ്ത ബൺബറി സ്കൂൾസ് ഫെസ്റ്റിവലിന്റെ സംഘാടകനായിരുന്നു ഡേവിഡ് ഇംഗ്ലീഷ്. 76ആമത്തെ വയസ്സിൽ ഹൃദയാഘാതത്തെ തുടർന്നായിരുന്നു ഡേവിഡ് ഇംഗ്ലീഷിന്റെ അന്ത്യം.
ഡേവിഡ് ഇംഗ്ലീഷിന്റെ നിര്യാണത്തിൽ ഇംഗ്ലീഷ് ക്രിക്കറ്റ് ടീം ക്യാപ്ടൻ ജോസ് ബട്ട്ലറും ഇംഗ്ലണ്ട് ആൻഡ് വെയ്ൽസ് ക്രിക്കറ്റ് ബോർഡും അനുശോചനം രേഖപ്പെടുത്തി. ലോകപ്രശസ്തരായ നിരവധി കളിക്കാരെ സംഭാവന ചെയ്ത മഹാനായിരുന്നു ഡേവിഡ് ഇംഗ്ലീഷ് എന്ന് ബട്ട്ലർ അഭിപ്രായപ്പെട്ടു. ഇംഗ്ലീഷ് ക്രിക്കറ്റിന്റെ വളർച്ചയിൽ നിർണായക സംഭാവനകൾ നൽകിയ വ്യക്തിയും മഹാനായ ജീവകാരുണ്യ പ്രവർത്തകനുമായിരുന്നു ഡേവിഡ് ഇംഗ്ലീഷ് എന്ന് ഇസിബി അനുശോചന കുറിപ്പിൽ രേഖപ്പെടുത്തി.
So sad to hear the news of David English passing away. One of life’s great characters, so fun to spend time with and producer of some of the best English cricketers through his wonderful Bunbury Festivals. RIP ❤️ pic.twitter.com/RK3SXUOfSr
— Jos Buttler (@josbuttler) November 12, 2022
The ECB is saddened to learn of the loss of David English CBE.
He did so much for the game, and for charity, and he played a part in the rise of many England Men’s cricketers.
Our thoughts at this time are with his friends and family. https://t.co/oD8drUvjPJ
— England and Wales Cricket Board (@ECB_cricket) November 12, 2022
Comments