ഉന്നത വിദ്യാസ മേഖലയിൽ മികച്ച മുന്നേറ്റം ഉണ്ടാക്കി; പരിഷ്‌കാരങ്ങളുമായി മുന്നോട്ടുപോകുമെന്ന് ആർ ബിന്ദു

കൊച്ചി : കെടിയു, കുഫോസ് സർവകലാശാല വിസിമാരുടെ നിയമനത്തിനെതിരായ വിധികളിൽ വിസിമാർ നൽകിയ പുനപരിശോധന ഹർജികളിൽ സർക്കാർ കക്ഷി ചേരുമെന്ന് ഉന്നത വിദ്യാഭ്യാസ മന്ത്രി ആർ ബിന്ദു. വിവാദങ്ങൾ മുന്നേറ്റങ്ങളെ തടസപ്പെടുത്തും. ഉന്നത വിദ്യാസ മേഖലയിൽ മികച്ച മുന്നേറ്റം ഉണ്ടാക്കിയിട്ടുണ്ടെന്നും കാലാനുസൃത പരിഷ്‌കാരങ്ങളുമായി മുന്നോട്ടുപോകുമെന്നും ആർ ബിന്ദു പറഞ്ഞു.

ഗവർണർ തന്നെ ചാൻസലറാകണമെന്ന യു ജി സി ഭേദഗതി കേന്ദ്രം കൊണ്ടുവരുന്നതിനെ കുറിച്ച് അറിയില്ല. അത്തരത്തിൽ ബിൽ കൊണ്ടു വന്നാൽ അപ്പോൾ മറുപടി പറയാം. എൻഎസ്എസ് പ്രവർത്തനം അദ്ധ്യാപനത്തിന്റെ ഭാഗമാണ്. വിദ്യാഭ്യാസ വിചക്ഷണർ ചാൻസലറാകണമെന്നാണ് അഭിപ്രായമെന്നും മന്ത്രി പറഞ്ഞു.

തിരുവനന്തപുരം സംസ്‌കൃത കോളേജിന് മുന്നിൽ ഗവർണർക്കെതിരെ എസ് എഫ് ഐ അസഭ്യ ബാനർ ഉയർത്തിയത് അപക്വത മൂലമാണെന്നാണ് ഉന്നത വിദ്യാഭ്യാസ മന്ത്രിയുടെ വാദം.