ന്യൂഡൽഹി : ഇംഗ്ലണ്ട് വനിതാ ടീമിന്റെ പുതിയ പരിശീലകനായി മുൻ താരം ജോൺ ലൂയിസിനെ നിയമിച്ചു. ലിസ കൈയ്റ്റ്ലി പരിശീലക സ്ഥാനം ഒഴിഞ്ഞതിനെ തുടർന്നാണ് ലൂയിസിനെ വനിതാ ടീമിന്റെ പരിശീലകനായി നിയമിച്ചത്. നടക്കാനിരിക്കുന്ന വെസ്റ്റ് ഇൻഡീസിനെതിരെയുള്ള പരമ്പരയാണ് ലൂയിസിന് മുന്നിലെ ആദ്യ ദൗത്യം.
വെസ്റ്റ് ഇൻഡീസിലെ മത്സരങ്ങൾക്ക് ശേഷം 2023 ലെ മത്സരങ്ങൾക്കാവും ടീം ശ്രദ്ധ കൊടുക്കുക. ഒപ്പം ദക്ഷിണാഫ്രിക്കയിൽ നടക്കുന്ന ടി20 ലോകകപ്പിനു മുൻപ് ടീം ശക്തമാക്കാനാണ് ഇംഗ്ലണ്ട് ശ്രമിക്കുന്നത്. ഇതിന് പുറമെ ആരാധകർ കാത്തിരിക്കുന്ന ഹോം ആഷസ് പരമ്പരയും ലൂയിസിന് വെല്ലുവിളിയാണ്.
എന്നാൽ ഇംഗ്ലണ്ട് വനിതാ ടീമിന്റെ മുഖ്യ പരിശീലകനായി നിയമിക്കപ്പെട്ടത് വളരെ ആവേശം നൽകുന്ന കാര്യമാണ്. ഞാൻ ഏറ്റെടുത്ത വെല്ലുവിളിയാണ് .അത് നല്ല രീതിയിൽ പൂർത്തിയാക്കാൻ ശ്രമിക്കും. തളർന്ന് പോകില്ലെന്ന് ലൂയിസ് പറഞ്ഞു.
ഇംഗ്ലണ്ട് ആൻഡ് വെയിൽസ് ക്രിക്കറ്റ് ബോർഡിലെ പരിചയ സമ്പന്നനായ വ്യക്തിയാണ് ജോൺ ലൂയിസ്. ബോർഡിന് വേണ്ടി പുരുഷന്മാരുടെ ദേശീയ അണ്ടർ 19 ടീമിന്റെ മുഖ്യ പരിശീലകനായും അദ്ദേഹം പ്രവർത്തിച്ചിട്ടുണ്ട്.
