ന്യൂഡൽഹി : ഇസ്ലാമിക തീവ്രവാദത്തെ കുറിച്ച് പറയുന്നവർ ഇസ്ലാമിന്റെ ശത്രുക്കളാണെന്ന് ജിഹാദി ഇസ്ലാമിസ്റ്റ് ഇമാം യൂനുസ് കത്രദ . മുസ്ലീം യൂത്ത് ഓഫ് വിക്ടോറിയയുടെ ഔദ്യോഗിക യൂട്യൂബ് ചാനലിലായിരുന്നു കത്രദയുടെ പ്രസംഗം .
ഇസ്ലാം തീവ്രമാകുമെന്ന് വിശ്വസിക്കുന്നവർ അള്ളാഹു തീവ്രനാണെന്നും ആരോപിക്കുകയാണ്. അതിലൂടെ അവർ അവിശ്വാസം പ്രകടമാക്കുന്നു- കത്രാദ പറയുന്നു. മാത്രമല്ല ഇസ്ലാമിന്റെ എല്ലാ കൽപ്പനകളും, അള്ളാഹുവിന്റെ പ്രീതിക്കായി ജിഹാദ് നടത്തുന്നതുൾപ്പെടെയുള്ള എല്ലാ കൽപ്പനകളും മിതത്വമാണ് എന്നും കത്രാദ പറയുന്നു.
ഇസ്ലാമിക തീവ്രവാദം, റാഡിക്കൽ ഇസ്ലാം, ഇതൊക്കെ നമ്മൾ കേൾക്കുന്നു. ഈ പദാവലികൾ പലപ്പോഴും വായിക്കാറുണ്ട്, പക്ഷേ ഈ പദങ്ങൾ ഉപയോഗിക്കുന്നത് ഒന്നുകിൽ ഇസ്ലാമിന്റെ ശത്രുക്കളും എതിരാളികളും അല്ലെങ്കിൽ ഇസ്ലാം എന്താണെന്ന് അറിയാത്തവരും കപടവിശ്വാസികളും മാത്രമാണ്. ഇസ്ലാമിന്റെ പ്രതിച്ഛായയെ വളച്ചൊടിക്കാൻ ഇറങ്ങിപ്പുറപ്പെട്ടവരാണിവർ.
തന്റെ സൃഷ്ടിക്കായി തിരഞ്ഞെടുത്ത അള്ളാഹുവിന്റെ മതമാണ് ഇസ്ലാമെന്നും അതിനാൽ ഈ സൃഷ്ടികൾക്ക് അള്ളാഹു അംഗീകാരം നൽകിയിട്ടുണ്ടെന്നും കത്രാദ പറഞ്ഞു. റാഡിക്കൽ ഇസ്ലാം എന്നൊന്ന് ഉണ്ടെന്ന് പറയുന്നത് അവിശ്വാസമാണ്. ജിഹാദ് സ്ഥാപിക്കണമെന്ന് ഖുറാനിൽ അള്ളാഹു കൽപ്പിക്കുന്നു, ജിഹാദ് സ്ഥാപിക്കണമെന്ന് മുഹമ്മദ് നബി കൽപ്പിക്കുന്നു, തീർച്ചയായും അതിന്റെ വ്യവസ്ഥകളോടെയും , ശരിയായ രീതിയിലും ജിഹാദ് എന്താണെന്ന് മനസ്സിലാക്കുക . ബുദ്ധിയുള്ളവർ ഇതൊക്കെ മനസ്സിലാക്കുമെന്നും കത്രാദ പറയുന്നു
Comments