തിരുവനന്തപുരം: ലഹരി വിരുദ്ധ കാമ്പയിനിന്റെ ഭാഗമായി തയ്യാറാക്കിയ ലഘുചിത്രം ‘ഹർഡിൽസ്’ ശ്രദ്ധേയമാകുന്നു. കേരള നിയമസഭാ സെക്രട്ടറിയേറ്റ് ആണ് ചിത്രം അണിയിച്ചൊരുക്കിയത്.
ലഹരി പങ്കിടാൻ പ്രേരിപ്പിക്കുന്ന ആളുകളെയും ഇടങ്ങളെയും അതിജീവിച്ച് കുട്ടികൾ ഹർഡിൽസ് മത്സരത്തിന് എത്തുന്നതാണ് പ്രമേയം. ട്രാക്കിലെ ഹർഡിൽസ് ചാടി മറികടന്നു ലക്ഷ്യത്തിലേക്കു കുതിക്കുന്നത് പോലെ ജീവിതത്തിലും ലഹരി എന്ന പ്രതിബന്ധം മറികടന്നു മുന്നേറണം എന്ന സന്ദേശമാണ് കുട്ടികൾക്ക് ഈ ചിത്രം നൽകുന്നത്.
വെള്ളായണി ശ്രീ. അയ്യങ്കാളി മെമ്മോറിയൽ മോഡൽ റെസിഡെൻഷ്യൽ സ്പോർട്സ് സ്കൂളിലെ കുട്ടികൾ ആണ് അഭിനേതാക്കൾ. കുട്ടികളെ ലക്ഷ്യമിടുന്ന ലഹരി മാഫിയകളെ കുറിച്ച് ദിനംപ്രതി പുറത്തു വരുന്ന വാർത്തകളും ചിത്രo ചർച്ച ചെയ്യുന്നു. ഉറച്ച മനസോടെ ലഹരി മാഫിയയുടെ പ്രലോഭനങ്ങളോട് നോ പറയാൻ കുട്ടികളെ പ്രേരിപ്പിക്കുന്നതാണ് ചിത്രം.
സബാഹ് ആണ് സംവിധാനം.
സ്ക്രിപ്റ്റ് : ഡി. സന്തോഷ് കുമാർ
കാമറ : ഫാസിൽ നാസർ
എഡിറ്റ് :അജിത് ദേവ്
സംഗീതം: ശ്രീരാഗ് രാധാകൃഷ്ണൻ
രാധിക, മേഘന, അജയ്, വിഷ്ണു, കാർഗിൽ എന്നീ കുട്ടികളാണ് അഭിനേതാക്കൾ.
