മിക്ക സ്ത്രീകളും നേരിടുന്നതാണ് ആർത്തവ പ്രശ്നങ്ങൾ. ആർത്തവം വൈകുന്നതാണ് പല പെൺകുട്ടികളും അഭിമുഖീകരിക്കുന്ന ബുദ്ധിമുട്ടുകളിലൊന്ന്. കാലാവസ്ഥയിൽ വരുന്ന മാറ്റവും ഭക്ഷണരീതിയും പലപ്പോഴും ആർത്തവചക്രത്തെ ബാധിക്കാം. ഇത്തരം പ്രശ്നങ്ങളെ നേരിടാൻ എള്ള് കഴിക്കുന്നത് ഒരു പരിധിവരെ സഹായിക്കുമെന്നാണ് ആരോഗ്യവിദഗ്ധർ പറയുന്നത്.
ഇതിനായി ചെയ്യേണ്ടത് ഇത്രമാത്രമാണ്. ആർത്തവം ഉണ്ടാകുമെന്ന് നിങ്ങൾ പ്രതീക്ഷിക്കുന്ന തീയതിക്ക് ഏകദേശം 15 ദിവസം മുമ്പ് എള്ള് കഴിച്ചുതുടങ്ങേണ്ടതുണ്ട്. ഇതു കൃത്യമായി തുടർന്നാൽ നിങ്ങൾ പ്രതീക്ഷിച്ച ദിവസത്തിന് മുമ്പ് തന്നെ ആർത്തവമുണ്ടാകുന്നതാണ്. ദിവസവും രണ്ട് നേരം ഒരു ടീസ്പൂൺ എള്ള് കഴിക്കുക. അതുമല്ലെങ്കിൽ അൽപം തേനൊഴിച്ച് വറുത്തെടുത്ത എള്ളും കഴിക്കാവുന്നതാണ്. ദിവസവും മൂന്ന് നേരം വരെ ഇങ്ങനെ കഴിക്കാം. ശരീരത്തിന് ചൂട് വർധിപ്പിക്കാനും എള്ള് കാരണമാകുമെന്നതിനാൽ ഒരുപരിധിയിൽ കൂടുതൽ കഴിക്കുന്നത് നല്ലതല്ലെന്നും ഓർക്കണം.
ആർത്തവം വേഗത്തിലാക്കാനുള്ള മറ്റ് വഴികളിലൊന്നാണ് ഈന്തപ്പഴം കഴിക്കുക എന്നത്. ദിവസവും ഈന്തപ്പഴം ശീലമാക്കിയാൽ കൃത്യദിവസം തന്നെ ആർത്തവമുണ്ടാകുന്നതാണ്. ബദാം ശീലമാക്കുന്നതും ആർത്തവം കൃത്യമാക്കാൻ സഹായിക്കും. ഹോർമോൺ വ്യതിയാനങ്ങളെ നിയന്ത്രിക്കുകയും ശരീരത്തിന് ആവശ്യമായ ഫൈബർ, പ്രോട്ടീൻ എന്നിവ പ്രദാനം ചെയ്യാനും ബദാം ഗുണം ചെയ്യും. മാതളനാരങ്ങ ജ്യൂസ് ആക്കി കുടിക്കുന്നതും ആർത്തവ പ്രശ്നങ്ങൾക്ക് മരുന്നാണ്. നിങ്ങൾ ആർത്തവം പ്രതീക്ഷിക്കുന്നതിന് 15 ദിവസം മുമ്പ് തന്നെ ജ്യൂസ് കുടിക്കേണ്ടതുണ്ട്. കഴിയുമെങ്കിൽ മൂന്ന് നേരം വീതം ദിവസവും കുടിക്കണം.
Comments