പലതരം പാമ്പുകളുടെ വീഡിയോകൾ സമൂഹമാദ്ധ്യമങ്ങളിൽ നിരന്തരം വൈറലാകാറുണ്ട്. പാമ്പുകളെ പിടികൂടുന്നതോ അതല്ലെങ്കിൽ അവയെ എവിടെ നിന്നെങ്കിലും രക്ഷിക്കുന്നതോ ആയ നിരവധി വീഡിയോകളാണ് നമ്മുടെ ശ്രദ്ധയിൽ പെടാറുള്ളത്. എന്നാൽ ഒരു പാമ്പിന്റെ ഹിപ്‌സോട്ടൈസിംഗ് തന്ത്രമാണ് ഇപ്പോൾ പ്രചരിക്കുന്നത്. ഇരയെ പിടികൂടുന്നതിന് തൊട്ട് മുൻപ് അവയെ ഹിപ്‌നോട്ടൈസ് ചെയ്യുന്ന പാമ്പാണ് വീഡിയോയിൽ ഉള്ളത്.
” ഹോഗ് നോസ് പാമ്പിന്റെ അമ്പരപ്പിക്കുന്ന പ്രതിരോധ തന്ത്രം” എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്. തനിക്ക് മുന്നിൽ നിൽക്കുന്ന എതിരാളിയെ അല്ലെങ്കിൽ ഇരയെ നിമിഷ നേരം കൊണ്ട് തന്റെ വരുതിയിലാക്കുന്ന രീതിയാണിത്. ഹിപ്‌നോട്ടൈസിംഗ് തന്ത്രം എന്നും ഇതിനെ പറയാനാകും.
https://twitter.com/AlianaBayram/status/1587797697070878722?ref_src=twsrc%5Etfw%7Ctwcamp%5Etweetembed%7Ctwterm%5E1587797697070878722%7Ctwgr%5Ee29bf5d3f3842bba4b26b78266dd18bd65874ebe%7Ctwcon%5Es1_&ref_url=https%3A%2F%2Fstatic.asianetnews.com%2Ftwitter-iframe%2Fshow.html%3Furl%3Dhttps%3A%2F%2Ftwitter.com%2FAlianaBayram%2Fstatus%2F1587797697070878722%3Fref_src%3Dtwsrc5Etfw
ഒരാളുടെ കൈപ്പത്തിയിലാണ് പാമ്പ് ചുരുണ്ട് കിടക്കുന്നത്. തുടർന്ന് അതിന്റെ തലമാത്രം ഉയർത്തി നിൽക്കുന്നത് കാണാം. ഒപ്പം തന്നെ പാമ്പ് സ്വന്തം ശരീരം മാത്രം വട്ടത്തിൽ ചലിപ്പിക്കുന്നുമുണ്ട്. ഇരയുടെ അല്ലെങ്കിൽ എതിരാളിയുടെ ശ്രദ്ധ പൂർണമായും ശരീരത്തിലായെന്ന് മനസിലായാൽ പാമ്പ് ആഞ്ഞ് കൊത്തും. ഒട്ടും പ്രതീക്ഷിക്കാതെ കൊത്താൻ ആഞ്ഞ് വരുന്ന പാമ്പിന്റെ വീഡിയോയാണിത്.
വീഡിയോ വൈറലായതോടെ പ്രതികരണവുമായി നിരവധി പേർ എത്തിയിട്ടുണ്ട്. പാമ്പിന്റെ ഇത്തരത്തിലുള്ള പ്രത്യേക കഴിവ് കണ്ട് അന്തംവിട്ടിരിക്കുകയാണ് ചിലർ. ഇത് ഹോഗ് നോസ് പാമ്പല്ലെന്നും എഗ് ഈറ്റിംഗ് പാമ്പാണെന്നും ചിലർ പ്രതികരിക്കുന്നുണ്ട്.
