പാമ്പുകളുടെ വീഡിയോ സമൂഹമാദ്ധ്യമങ്ങളിൽ വൈറലാവാറുണ്ട്. ഇരപിടിക്കുന്നതും ഭയപ്പെടുത്തുന്നതുമായ വീഡിയോകളാണ് അതിലേറയും. എന്നാൽ ചിലപ്പോഴൊക്കെ രസകരമായ വീഡിയോയും പ്രത്യക്ഷപ്പെടാറുണ്ട്. അത്തരത്തിലൊരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാവുന്നത്. വീഡിയോയിലാകട്ടെ പാമ്പിന്റെ പ്രധാന ഇരയായ തവളയും ഉണ്ട് എന്നതാണ് പ്രത്യേകത. സാധാരണ തവളകൾക്ക് പാമ്പുകളെ പേടിയാണെങ്കിൽ ഇവിടെ തവളയ്ക്ക് ഭയം എന്തെന്ന് പോലും അറിയില്ല.
പാമ്പിന്റെ പുറത്തിരുന്ന് വളരെ ലാഘവത്തോടെ യാത്ര ചെയ്യുന്ന ഒരു തവളയുടെ വീഡിയോയാണ് ഇപ്പോള് സോഷ്യല് മീഡിയയില് ശ്രദ്ധിക്കപ്പെടുന്നത്. യാതൊരു ഭയവും കൂടാതെയാണ് തവളയുടെ യാത്ര. പുല്ലില്ലൂടെ ഇഴഞ്ഞു നീങ്ങുന്ന ഭീമൻ പാമ്പിന്റെ പുറത്തു പിടിച്ചിരുന്നു കൊണ്ടുള്ള യാത്ര ആരെയും അത്ഭുതപ്പെടുത്തും. ട്വിറ്ററിലാണ് ഈ മനോഹര വീഡിയോ പ്രത്യക്ഷപ്പെട്ടിരിക്കുന്നത്.
साहस का मतलब भय की अनुपस्थिति नहीं बल्कि भय सामने होते हुए भी दृढ़ता से सामना करना ही साहस है..! pic.twitter.com/2Xz6dEJKhG
— Sanjay Kumar, Dy. Collector (@dc_sanjay_jas) November 25, 2022
നിരവധി പേരാണ് ഇതിനോടകം വീഡിയോ കണ്ടിരിക്കുന്നത്. ‘ഇതാണ് യഥാര്ത്ഥ സൗഹൃദം’ എന്ന് ചിലർ കുറിക്കുമ്പോൾ ‘ഇതിലും നല്ലൊരു അഡ്വഞ്ചർ ട്രിപ്പ് ഉണ്ടാകില്ല’ എന്ന് മറ്റ് ചിലർ വീഡിയോയ്ക്ക് താഴെ കമന്റ് ചെയ്യുന്നു. അതേസമയം, ഈ വീഡിയോ കാണുന്ന മലയാളികൾക്ക് ഒരു പക്ഷെ ഓർമ്മ വരിക തിലകൻ മോഹൻലാനോട് പറയുന്ന ‘ഇത്രയും ധൈര്യം ഞാനെന്റെ ചാൾസ് ശോഭരാജിൽ മാത്രമേ കണ്ടിട്ടുള്ളു’ എന്ന ഡയലോഗ് ആവും.
